Ola a todxs!
Antes de nada agradecemos que decidiras pasarte por aquí e esperamos que te quedes a lernos ata o final para coñecer esta iniciativa un pouquiño mellor.
Como xa poderedes intuir, o noso obxectivo con esta campaña é o de poder financiar o videoclip da primeira canción orixinal da artista Belén Portela, a cal se pode atopar actualmente en Youtube.
Este proxecto nace inicialmente co propósito de ser o Traballo de Fin de Grado de varias das integrantes que conforman o equipo, máis as intencións non se reducen só a iso.
O primeiro contacto que tivemos con Belén foi a través das súas covers anos atrás, e unha vez tanto a coñecimos en persoa como descubrimos a existencia de Under the moon, quixemos ter a iniciativa de adentrarnos na produción dun videoclip que lle fixese xustiza á canción. É por iso que, ademáis de poder elaborar un bo TFG, queremos aportarlle os nosos coñecementos do sector realizando un traballo profesional adecuado (o que incluirá a realización do propio videoclip e a re-grabación da canción nun estudo).
O videoclip contará a historia dunha parella de mozas, Belén e Lúa. Nel, quixemos facer unha interpretación diferente da letra para tratar certos aspectos das relacións de parella, como pode ser a falta de comunicación e o sentimento de inferioridade por unha das partes.
Belén Portela, nacida en Vigo en 1997, leva sendo unha amante e apaixoada da música dende que naceu. Con tan só 10 anos, comeza a dar os seus primeiros pasos no mundo grabando de forma caseira as instrumentais de cancións para logo facerse os seus propios discos de covers. Posteriormente, cando se estandarizou o uso de Youtube e a aumentar os seus coñecementos sobre tecnoloxía, puido invertir máis tempo e dedicación á súa paixón.
Un dos seus obxectivos dende pequena foi o de chegar a compoñer unha canción propia, algo que comezou a florecer un día de neve en 2018, durante a súa estancia en Vienna de Erasmus. Así naceu Under the moon, a súa primeira e única canción, que lle levaría un total de ano e medio compoñela e grabala.
A partir de ahí, o seu camiño continuou sendo o de grabar covers de diversos artistas, máis a ilusión de retomar un proxecto tan persoal e importante para ela sigue estando ahí.
«Faime moita ilusión grabar o videoclip para Under the moon. Teño moitas ganas de saber o que é traballar con todo o equipo, xa que é un campo bastante descoñecido para min [...] pero intentarei facelo o mellor posible.»
Nova Ondiña Producións é unha pequena produtora novel formada por estudantes de audiovisuais que decidiron xuntarse para poder levar a cabo diferentes tipos de proxectos.
Malia que temos experiencia na produción de reportaxes, videotutoriais e curtametraxes, é a primeira vez que nos enfrentamos á realización dun videoclip.
Esta é para nós unha oportunidade única coa que, ademáis de conseguir un traballo onde demostrar do que somos capaces, poderemos experimentar co formato e deixar voar a nosa creatividade.
Todas as vosas aportacións irían destinadas principalmente para o departamento de arte e vestiario, así como para os gastos de transporte e dietas de todo o equipo.
Ademáis, tamén incluiríamos o aluguer dos sets de gravación, as recompensas destinadas aos mecenas, os gastos de distribución, etc.
En resumidas contas, o diñeiro distribuiríase da seguinte forma:
Nestes intres atopámonos en fase de pre-produción, a cal leva en marcha dende febreiro.
Esta fase continuará ata finais de abril, xa que a rodaxe realizarase o último fin de semana de abril e o primeiro de maio.
Posteriormente, o proxecto comezaría a súa fase de pos-produción, que durará unhas 3 semanas aproximadamente.
A partir de ahí, traballaremos nas recompensas dos mecenas, que estimamos que estarán listas para principios de xuño.
Se tendes interese por seguir tanto o noso proxecto como á nosa equipa máis de cerca, aquí vos deixamos os enlaces para que non vos perdades nada:
Cantante: Belén Portela
Produtora: Nova Ondiña
Directora/co-directora de arte: Noelia Míguez
Productora/axudante de dire: Tania Ríos
Director de foto/etalonador: Ramón Martínez
Script: Ariadna Álvarez
Cámara: Xiana Matos
Co-directora de arte: Paula Rodríguez
Making off e foto fixa: Beatriz Pereira
Mil grazas por chegar ata aquí. Esperamos que vos animedes a aportar o voso graniño de area a este pequeno e apaixoante proxecto!
1 comment
If you are already a sponsor, please Log in to comment.
Toni Moreno
Bonito proyecto , suerte a todos y ganas de ver vuestro videoclip !!