Fronteiras de papel

Primeiro obxectivo conseguido!

Segundo obxectivo en marcha, 2.500 euros para mellorar a portada do libro. Empregaremos laca UVI para mellorar o seu aspecto, dando un salto de calidade.

Fronteiras de papel é un álbum ilustrado infantil no que coñecemos a Fátimah, que coa súa familia embarcarase cara a Utopía nun viaxe cheo de perigos, onde descubrirá as fronteiras e o seu significado, e que ás veces as máis difíciles de traspasar están feitas de papel.

Un conto cargado dun forte carácter educativo, que o convirte nunha ferramenta esencial para a educación en valores, o respecto e a interculturalidade.

Por que é necesario este libro?

A crise das migracións actual é unha das máis acuciantes da historia. Vítimas da migración forzosa, con motivos laborais, políticos ou incluso de seguridade persoal, miles de persoas intentan abandonar os seus paises para dirixirse a outros máis afortunados. Esas viaxes non son sinxelas, correndo risco as súas vidas, embarcados nelas tanto adultos coma cativos que as afrontan con esperanza no futuro.

O que se atopan á súa chegada son situacións de medo, racismo e obstáculos, moitos deles simbolizados na burocracia que expulsa e crea fronteiras entre as persoas, fronteiras de papel.

Con este libro queremos achegar unha historia, similar a moitas outras vividas por estes migrantes, co obxectivo de explicar aos máis pequenos esta situación, suscitando neles a empatía e o entendemento que nos debe unir a todos como seres humanos.

A que destinaremos as vosas achegas?

Publicación do álbum infantil ilustrado, impresión das láminas e marcapáxinas e envío de todas as recompensas.

Coa compra deste libro, estás colaborando no labor que leva a cabo a asociación sen ánimo de lucro Provivienda en Galicia.

De cada libro, 1 € será doado para a devandita asociación.

Máis información sobre a ONG en: www.provivienda.org

Características do libro:

Álbum ilustrado de tamaño final 23cm de alto x 22cm de ancho, a 4 tintas

Interior: en papel estucado mate de 170gr.

Lámina cuberta a 4/0 tintas

Encadernación cartoné ao cromo con cartoncillo grueso de 2,5mm e lombo recto sen cabezadas a xogo. Tapa dura.

Sobre os autores:

Escrito polo equipo formado por Alba De Evan e Xabier Domínguez, autores ourensáns cunha interesante traxectoria dentro da literatura galega infantil e xuvenil, que tiveron o seu inicio ca obra “A Superavoa de Antón”, seguido da coleción “Naturizo” que conta na actualidade con 7 títulos polo momento.

Os seus libros están a facerse un oco importante dentro do panorama nacional. A Superavoa de Antón, libro de carácter solidario da organización “Meu Rei” activismo pola infancia, esgotou a súa primeira edición en medio ano de vida. A colección Naturizo, editada por Linteo, conta con 7 volumes cunha forte carga educativa e medioambiental, na que todos os libros veñen acompañados dun caderno de actividades, froito dos anos de experiencia educativa dos autores.

Desta volta, os autores veñen acompañados na ilustración de David Rodríguez Lorenzo, autor ourensán de obras de gran calado na literatura infantil e xuvenil, tanto galega como no exterior. Algunhas das súas obras máis representativas son “Roger Ratón. Y el misterio de la voz papagayo”; Ahora me encargo yo”; Modilocks and the Three Scares”; “El niño Pez”; “The Red Cart” ...entre outros moitos. Máis información sobre a obra deste gran artista en www.davidlorenzoillustration.com

Calendario previsto

A partir do 20 de setembro do 2020 comezaremos a entregar as recompensas.