❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Madialeva, un relato gráfico do noso rural

Contos gráficos de historias do último século en terras de Friol. Narrados e protagonizados polas mulleres que nos criaron.

Ana Moreiras

A project of

Category

Created in

195%
25
days
150
Patron
4.018€
From 2.060€
Contribute to the project

Introdución

Colaborando con esta campaña axúdasme a editar unha obra de relatos gráficos sobre o rural galego. As súas protagonistas son as nosas nais, avoas e bisavoas: esas mulleres bravas que tan a miúdo sostiveron ás súas familias nun século ben difícil. Trátase dunha ficción baseada en historias que escoitei ó longo da vida na aldea de miña nai.

Prólogo da obra

Tiven a fortuna de vivir parte da miña infancia na Terra Cha, lugar de Miraz. Botei ben tardes aproveitando a última raiola xunto á tía Pura, Carme, Constantino, Manuel e meus avós Carme e Domingo, sentíndoos debullar contos na aira ata a hora de recollerse. De inverno, anos máis tarde, seguiría escoitando historias trala cociña de leña ás mulleres da seguinte xeración: a tía Manola, Hortensia, miña nai.

Con aqueles relatos eu ía armando o niño da gatafornela. Fiel a un mandato biolóxico, faría del o fogar da miña descendencia e con esmero coideino durante anos. Ata aquel diagnóstico de endometriose aguda. Foi por el que escapei ó sur, buscando a soedade e a distancia para asimilar que non habería polos no niño.

Percorrín Nova Zelandia na busca de respostas. Constatei que a tristeza da esterilidade non me nacía tanto de quedar sen pequechiños coma da sensación de tronzar a transmisión do relato. E a carga facíaseme insoportable.

Naquela terra nova puxen a alma co de dentro para fóra e boteime a camiñar, agardando a que enxugase. Con cada paso ía desenguedellándose a angustia. E con ela o adival de historias que formaban o meu niño.
Un día calquera chorei as últimas bágoas, de vagariño. E souben que o peor xa pasara. Tiña unha nova tarefa por diante: continuar o relato por outro carreiro. Debuxalo.

Debo matizar: pasara o peor espiritualmente, pois ignoraba que facer unha novela gráfica supuxese tan titánico esforzo. Aquí convén aclarar que carezo de formación en artes, polo que o proceso foi tortuoso. Tardei catro longos anos en chocar o resultado e durante ese tempo produciuse unha evolución de estilo que non pode deixar de aprezarse nas viñetas.

Pero, caramba! foi o meu primeiro parto. E madialeva, sempre me gustaron máis as criaturas bravas, intelixentes e bondadosas do que as belidas. Coma as mulleres coas que me criei, ás que adico os relatos que ides ler."

A autora

Aínda que me licenciei en Física de Partículas, a miña faceta creativa levoume polos carreiros da docencia. Nas aulas traballo cada día intentando desenvolver o potencial dos rapaces e rapazas, comprometida coa causa de lograr unha sociedade mellor e máis feliz. Para isto traballo co alumnado en diferentes clubs de cine e ciencia, e participo en iniciativas didácticas que poidan mellorar o noso ensino. Froito da última (programa PIALE en Ottawa) elaborei un caderno gráfico que podedes conseguir neste enlace de Amazon.

A miña formación en debuxo é freelance. O ámbito onde teño máis experiencia é no urbansketching, afección coa que vou creando cadernos de viaxes. Os resultados publícoos en Instagram/moreiras26.

A que se destina a vosa aportación

Cos beneficios desta camapaña financiarei a maquetación e impresión da novela gráfica Madialeva. Trátase dun conxunto de once relatos gráficos que percorren a historia do noso país ó longo de cen páxinas a cor, con viñetas debuxadas e coloreadas a man.

Calendario previsto

A novela está rematada e practicamente maquetada neste momento. Necesito un empuxe final para imprimir 200 copias nunha edición ben bonita que, por que non? pode ser un agasallo orixinal nas vindeiras festas de Nadal!

FAQ

There are none published yet.

Do you have any other queries or questions?

11 comments

If you are already a sponsor, please Log in to comment.

  • Marisa

    Marisa

    7 days

    Unha bonita iniciativa. Ànimo con ela

  • Cristina

    Cristina

    9 days

    Estamos ansiosos por verla

  • angeles.rianxo

    angeles.rianxo

    12 days

    Moito èxito!!!

  • fedeperez76@gmail.com

    fedeperez76@gmail.com

    12 days

    Forza, Moreiras

  • Markos_m_m

    Markos_m_m

    13 days

    Aló imos!!!

  • Ana Bastos

    Ana Bastos

    13 days

    Ola! A recompensa de 16€ non inclúe os gastos de envío, non?

  • Lucas Canzobre Castelo

    LCanzobre

    13 days

    Noraboa pola iniciativa.

  • tecnocoia

    tecnocoia

    14 days

    Noraboa polo proxecto. Agardo esa dedicatoria ;-)

  • María Tasende

    María Tasende

    14 days

    Feito! Animádevos!! Que esta muller pinta que da gusto

  • Javier Vigo Lourés

    Javier Vigo Lourés

    14 days

    Xa esta feito agora agardar pola lectura e os debuxos de alta calidade

16€
78 backers
Novela gráfica

A propia obra asinada

Estimated delivery December 2019
26€
40 backers
Novela adicada + postal

Novela gráfica
+ Adicatoria personalérrima con debuxiño na contraportada
+ Postal

Gastos de envío incluídos

Estimated delivery December 2019
40€
17 backers
Novela + lámina impresa A4

Novela gráfica
+ Adicatoria personalérrima con debuxiño na contraportada
+ Lámina impresa en A4 con retrato das protagonistas do libro (a escoller entre varios, consultar mediante mail: moreiras26@gmail.com)

Gastos de envío incluídos

Estimated delivery December 2019
70€
15 backers
Novela + postal + ilustración personalizada A4

Novela gráfica
+ Adicatoria personalérrima na contraportada
+ Postal
+ Ilustración personalizada "A foto da escola". Lámina impresa con retrato personalizado A4. Podes encargar para máis persoas ou negociar cambios a través do meu mail: moreiras26@gmail.com

Estimated delivery December 2019
Cookies help us to offer our services. Continuing to browse entails acceptance of their use.