❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Apoia a GalizaContrainfo

Galiza Contrainfo somos un grupo de persoas que desde hai uns anos traballamos no campo do vídeo e foto-activismo. Formamos este colectivo para dar cobertura e difusión a aquelas realidades que os medios de comunicación empresariais silencian ou distorsionan. Agora precisamos da túa axuda.

0
seconds
71
Pledges
1.785€
From 1.000€
Contribute to the project
View project in Català, Castellano and Euskara

Choose your reward

Or support it with a donation

Contribute without a reward
Donate to the project because you simply want to help make it happen:

Galiza Contrainfo somos un grupo de persoas que desde hai uns anos traballamos no campo do vídeo e foto-activismo. Formamos este colectivo para dar cobertura e difusión a aquelas realidades que os medios de comunicación empresariais silencian ou distorsionan. Cremos na necesidade de crear espazos de comunicación alternativa que acompañen aos movementos sociais do país (ecoloxismo, lingua, traballo, liberdade sexual, feminismo, migrantes, dereitos nacionais, etc.), apropiándonos das ferramentas ao noso alcance.

COFORMAMOS UNHA INICIATIVA INDEPENDTE, NON COMERCIAL A AUTOXERIDA

Difundimos a nosa produción audiovisual e fotográfica na rede, na páxina galizacontrainfo.org, baixo unha licencia copyleft que permite a re-utilización das nosas imaxes en obras derivadas sempre que estas teñan un uso non comercial. Defendemos as licenzas libres como alternativa ao caduco modelo de propiedade intelectual que apoian as industrias culturais.

POR QUE A FINANCIACIÓN COLECTIVA?

Na actualidade o noso proxecto ten un problema de sustentabilidade económica, pois entre os gastos de aloxamento da páxina e as multas que a Subdelegación do Goberno de Pontevedra puxo a catro das nosas compañeiras por cubrir manifestacións, levamos meses arrastrando unha débeda importante. Precisamos a vosa axuda e colaboración para continuar a estar presentes, para continuar co noso proxecto na rede e mellorar.

Por iso solicitamos o apoio das que estimedes Galiza Contrainfo como unha peza necesaria na construción dun espazo comunicativo galego que fuxa da información como espectáculo e do coñecemento como mercadoría.

UNHA VIAXE DE IDA E VOLTA E APOIO MÚTUO

Para levar adiante este proxecto de solidariedade e recoller o voso apoio contamos coa colaboración de colectivos sociais (Andaina, CS A Revolta, CUT, Galicola, Marcha Mundial das Mulleres), medios de comunicación (Galizalivre, Novas da Galiza) autoras/es e creadoras/es do mundo audiovisual, literario e teatral (A porta verde do sétimo andar, Alberte Momán, Andrea Núnes Brions, Begoña Caamaño, Berrobambán, Jose Manuel Nunes Vilar, Kiko Neves, Maria Lado, Mario Regueira, Marcos Nine, Rosa Enríquez, Sechu Sende, Sonia Daponte, Xiana Arias, Xosé Bocixa) e do mundo da música (Arenga, Ataque Escampe, Dandy Fever, Dakidarría, Keltoi, Kop, Marful, Nao, Propaganda pel fet, Roger de Flor, Skárnio, Zënzar), e de pequenos negocios de amigos (Bar Irmandinhos 13, D'Esguello, Minimarket24h, Sacauntos cooperativa gráfica), que nos cederon material, os seus produtos ou creacións para que esta sexa unha viaxe de ida e volta e apoio mútuo.

FAQ

There are none published yet.

Do you have any other queries or questions?

Ask the author

2 comments

If you are already a sponsor, please Log in to comment.

  • Oriac

    Oriac

    over 11 years

    hola! vaig rebre la recompensa de 10€ al cap de ben poc de que s'acabés el projecte. Però encara haig de rebre l'altra recompensa que vaig fer, de 30€. Hi ha hagut algun problema?

  • Oriac

    Oriac

    over 11 years

    Boa noite compañeiros! Eu gustaría de dúas contribucións, e como eu non sabía o que escoller, tanto m'emportaré. Eu me pregunta se o feito de que eu teño que traer un problema ou se o Barcelona ía entregar entregas deben pagar.

#07 / Rematamos e só podemos estar agradecidisimas!!!

1.785 euros.

Esa foi a cifra que conseguimos recadar en corenta dias grazas a vosa axuda e a dos colectivos, grupos de música, creadoras e creadores que nos achegaron o material para as recompensas que, en canto teñamos os vosos enderezos, enviaremos o antes posíbel.

Nesta semana fomos enviando correos ás setenta e unha persoas - mecenas que sodes parte deste proxecto, e en canto teñamos as vosas respostas e recollamos todo o material, iremos enviando coa maior rapidez.

Mil grazas por facer posíbel que sairamos adiante, e que as débedas polas multas nos deixen de afogar, e podamos respirar tranquilas.

Pola nosa parte nós continuaremos co noso compromiso de continuar apostando pola contrainformación desde Galiza, e abrindo a nosa xanela todos os días desde Galizacontrainfo. Mirámonos ali!

#06 / Superamos os 1.500 e temos tres novas doazóns

Benqueridas/os mecenas,

Fica por diante menos dun mes e continuamos co noso proxecto, ilusionadas, e presentándovos novas recompensas.

Unha delas é unha sorpresa coa coa que nos agasallaron os Dios ke te Crew esta fin de semana no Sons da Lameira, cando estabamos a gravar este estupendo festival.

Estamos a falar do seu último CD, "Humanose, segundo traballo, co que están a percorrer festivais de toda GZ, dando caña e moita festa.

Tamén o bar Cooperativa As Dúas cédenos dúas botellas de licor de noces verdes de "Os Licores de Casal".

E por último a autora Maria Rosendo Priego aportou o seu poemario "Nómade".

Consultade os packs na web de Verkami do noso proxecto.

Colabora con Galizacontrainfo e comparte cultura galega!

#05 / E continuamos medrando!

Un dia antes de que se cumpra unha semana do comezo da campaña "Apoia a Galizacontrainfo" en Verkami chegamos aos 1285 euros. De novo grazas a todas as persoas que fixechedes isto posíbel dalgunha maneira, co voso material, contribuindo, difundindo.

A nova da campaña apareceu en medios de comunicación como Galizalivre, Diario Liberdade, Abordaxe, Praza Pública, Sermos Galiza, Galicia Confidencial, Mundo Galiza, Nodo50, La Haine, Tercera Información, ou de colectivos como o CS Revolta de Vigo, a Asemblea Aberta de Compostela, a CUT, entre seguro que moitas outras, mais estas foron das que tivemos referencias.

Se sabedes de máis espazos na rede onde tivera eco a nosa campaña engadideos como comentarios a esta nova.

Das 26 iniciais recompensas, nestes momentos fican 17, e esgotáronse os lotes de materiais das nosas amigas e compañeiras da Revista Andaina, o material da Marcha Mundial das Mulleres, os poemarios de Maria Lado e os cd's das Ataque Escampe nestes últimos dias.

read more

#04 / Chegamos ao noso obxectivo!

O venres 29 de xuño ás 09.45 comezabamos a campaña "Apoia a Galizacontrainfo" na rede, e o domingo 1 de xullo ás 16.15 conseguiamos chegar aos 1.005 euros. En 54 horas e media conseguímolo.

Estamos felices de que fora tan doado contar coa vosa solidariedade, e que fora tan rápido. Estamos orgullosas das mostras de cariño recibidas. Non temos máis palabras que unha: Grazas!!!

Aínda fican 38 días por diante para continuar a reforzar este proxecto de comunicación alternativa, e aínda tedes a vosa disposición moito material donado por colectivos sociais, medios de comunicación, autoras/es e creadoras/es do mundo audiovisual, literario e teatral, do mundo da música e de pequenos negocios de amigos, para que continuamos tamén visibilizando o activismo, a cultura e a solidariedade galega e en galego!

#03 / 825, e aínda fican 38 días

Amencemos este domingo cheas de ledicia polo ben que vai a recollida de fondos, e de novo polas mostras de apoio que nos chegan, por mail, ou mesmo en persoa, como onte, no Torneo de Fútbol da Revolta. Mil grazas!

O sábado esgotouse a recompensa que nos cedera a cervexeria Irmandinhos Trece, que situado na zona de Churruca, nos agasollou cunha caixa de cervexas de importación, das que se poden degustar nesta mítica cervexaria viguesa.

Só fica xa un poemario "Nove" de Maria Lado, non o perdades.

novemarialado
novemarialado

#02 / Chegamos a metade do noso obxectivo en pouco máis de 12 horas

Mil grazas a todas e todos. Chegamos en pouco máis de doce horas a 555 euros, e superamos o ecuador do noso obxectivo. Agardamos poder continuar neste camiño, e superar as nosas expectativas.

Canta maior autonomía academos con esta recollida de fondos, máis fortes sairemos deste proxecto, e lanzaremos unha mensaxe ben clara: non nos van calar.

Nesta metade da primeira xornada esgotáronse as recompensas cedidas por Sechu Sende, os seus libros e acuarela.

Tamén os libros de Begoña Caamaño "Morgana en Esmelle e "Circe ou o pracer do azul" foron dos primeiros en voar das nosas ás vosas mans, asi como o CD de Zënzar, ou a camisa exclusiva coa que visten nos seus concertos os integrantes de Skárnio.

Non nos cansaremos de agradecer todas as mostras de cariño que nos chegaron hoxe e para a preparación deste proxecto. Grazas, unha aperta.

#01 / Comezamos!!!

Boas xentes!!

Hoxe comezamos a andaina deste proxecto para recadar cartos para Galizacontrainfo, e tamén para ao mesmo tempo, facer circular cultura galega e activismo.

Contamos coa vosa difusión e colaboración para darlle vida e azos ao video e fotoactivismo que realizamos, e porque agora precisamos de todas e todos vós.

A través do blogue iremos presentándovos algunhas das "recompensas" que queremos facer circular nestes dias e que tanto colectivos sociais como autoras e autores, grupos musicais e pequenas empresas cederon.

Para comezar neste primeiro dia queremos presentarvos o material cedido por Sechu Sende, que nos agasalla con dous dos seus libros, Animais, e Made in Galiza. Estes libros ademais van adicados persoalmente ás mecenas que os escollan e con deseño orixinal.

Tamén Sechu Sende agasállanos cunha acuarela orixinal

acuarela
acuarela

Continuaremos informando...

We use essential cookies to provide our service and third-party cookies to track the usage of the page. Cookie Policy