Somos Guezos, grupo folk rock de Ourense, e necesitamos do teu apoio para a gravación e edición do noso novo disco "Zapatos novos".
Axúdanos a facer este proxecto máis grande!
Para elo ofrecemos que a túa colaboración teña recompensa. Para nós é fundamental que nos botes unha man. Prometemos entregar todo o mellor que levamos dentro. Moitísimas gracias!
Sobre as recompensas
Como non pode ser doutro xeito, a principal recompensa será o novo disco "Zapatos Novos". Pero como isto nos parecía pouco tamén atoparás camisolas, chapas, adhesivos, e ata unhas zocas artesanais. Podes ver con máis detalle todas as recompensas que ofrecemos no lateral.
Sobre nós
Somos un grupo que comezou no ano 2000, cando aínda eramos uns mociños (ou "guezos" na fala dos afiadores) con moitas ilusións. Esa ilusión por facer música e compartila con vós segue intacta e aumenta cos anos.
Temos tocado por toda Galicia, España, Andorra e Portugal, con grandes grupos e nos mellores escenarios e queremos seguir facéndoo coa vosa axuda!
"Quixera", o videoclip que fixemos o ano pasado dentro dun proxecto de fomento de uso do galego co CEIP Otero Novas de Cortegada.
A que destinaremos as vosas achegas
Os cartos recadados serán unha axuda fundamental para poder sacar adiante o noso último traballo "Zapatos Novos".
Si chegamos ao obxectivo, a recadación destinarase a pagar parte da gravación e a fabricación das copias físicas do disco cun packaging especial. Pero tamén a cubrir os gastos da propia campaña.
Calendario previsto
Gravación do disco: Marzo 2018.
Mesturas e máster: Abril 2018.
Maquetación e fabricación: Maio 2018.
Distribución: Principios de Xuño 2018.
En canto o disco saia da fábrica comezaremos a distribuílo entre os nosos mecenas. As demais recompensas faranse tamén a partir do mes de xuño. Calquera cambio por posible incidencia será publicado polas nosas redes sociais ou de xeito individual se é un problema concreto.
+ Info
-Búscanos nas Redes Sociais: Facebook, Twitter, Spotify, Canal Oficial de Guezos en Youtube.
6 comments
If you are already a sponsor, please Log in to comment.
Eladino Cabanelas
Parabéns!!!!! Estou desexando oír o traballo.
CarmenMaria
Mucho éxito!!
Jose Porto
Forza!!!
GuezosOurense
Author
Moitas gracias a todos os mecenas! Xa estamos máis cerca!!
Manu&Vero
Iste veran estreno Zapatos Novos!
anxostar
Vamos!!!