EZUSTEKO TALKA - film laburra

ONGI ETORRI EZUSTEKO TALKARA

Makuludun gizon bat zubiaren erdira gerturatzen da. Erdira iristean, hesira gerturatu eta gainetik igarotzen du. Begiak itxi eta arnas sakon baten ostean, eskuin hanka altxatzen du.

Jauzi egitera doan unean distira bat nabarmentzen du aurpegian. Argia areagoa den ainean, aldizkako klaxon zaratak entzuten ditu. Gizonak begiak zabaldu eta argira begira geratzen da.

Auto bat beregana dator.

NOR GARA?

Zuzendari lanetan Imanol G. Gurrutxaga (IGG Ekoizpenak) arituko da. Zinegile gaztea izan arren, bere bizkarrean hainbat film labur eta bideoklip egin ditu.

Gidoia: Imanol G. Gurrutxaga eta Albert Lladó.

Ekoizle eragileak: Iñigo Asensio eta Imanol G. Gurrutxaga.

Musika originala: Iñar Sastre

Aktore lanetan, hainbat aurpegi ezagun izango ditugu: Aitziber Garmendia eta Jose Ramón Soroiz. Hauez gain, Josean Bengoetxea-ren ohorezko "cameo" bat izango dugu filmaren hasieran.

Zertara bideratuko dugu dirua?

Bai zuzendari/ekoizle aldetik eta bai aktore aldetik ez da soldatarik egongo. Beraz, gastu minimoetara bideratuko dugu:

1. Garraioa

2. Asegurua

Aktore eta ekipo teknikoa hesiaren bestaldean egon dadin, beharrezko segurtasun neurriak hartuko ditugu. Aseguru bat izan arren, arnes eta zintak jarriko ditugu.

3. Zubiaren zati baten alokairua

Noiz eman ahal izango ditugu sariak?

Finantziazioa lortua dugunean eta film laburra grabatu bezain laster (Martxo amaieran), sariekin hasiko gara lanean. Hasiera batean Maiatzerako izango genituzke sari guztiak. Hala ere, saria sortzearen zailtasun maila eta zure helbidearen distantziaren araberakoa izango da heltze iraupena.

+ Info

Ezusteko talka facebooken:
EZUSTEKO TALKA

IGG EKOIZPENAK:
YOUTUBE

Gurekin kontaktuan jartzeko, hemen azpiko ”Egileari galdetu” botoia sakatu.