¿ZER DA BULTZ!?
Bultz! 2016ko lehen hilabeteetan jartzen da martxan. Elorrio eta Abadiñoko lau lagunek sortzen dugu taldea, aurretik musika munduan aritutako lau lagunek. Liher Pixontxis taldean, Ibaiko Iheskide eta Kruders en, Xagu Iheskide n eta Txibillo Kruders en.
Orain, proiektu berri hau da esku artean duguna, non, zuen laguntzaren bitartez, gure lehen diska izango dena grabatu eta argitaratzeko finantziazioa bilatzen dugun. Hilabeteetan landutako abestiak bilduma batean sartu eta Usurbilgo HiGain estudioetan burutuko da grabazio eta nahasketa lana, Haritz Harreguy-ren eskutik.
Diskan 11 abesti bilduko ditugu, euskaraz abestuak eta inguruko gaiez hitz egiten dutenak, soinu melodiko eta indartsuak nahastuz.
Bide berriak ireki ditugu, makina martxan da!
ZERGATIK FINANTZIATU BEHAR DUT BULTZ!?
Errepidean urteetako esperientzia dugun gazteak gara, egunez egun gure musika aurrera eramaten aritu garenak, eta esfortsuak zein ilusioak izan dira beti gure bidelagun.
Ordea, hutsetik hasten gara oraingo hontan, eta horrelakoetan ezinbestekoa da jendearen laguntza. Erronka berri bat dugu begi aurrean eta zu beharrezkoa zara hau aurrera eraman ahal izateko. Gure finantziazio kanpainan lagunduta, hasi berria den proiektu honetan konfidantza jartzen ari zarela erakustera ematen diguzu, eta hori, zeharo eskertzekoa da guretzat. Gainera, eskaintzen ditugun sariak jasoko dituzu etxean, eta aldi berean, proiektu hau posible egiten ari den horietako bat izango zara.
NONDIK GATOZ? NORA GOAZ?
Nerabezaroan sortu zitzaigun musikarekiko dugun grina eta honek bultzatu gintuen instrumentuekin jolasten hastera. Jolas izatetik eguneroko tresna izatera pasa dira, ordea, hasierako jolas horiek. Musika da gure bozgorailu, eta horretaz baliatu gara gure aurreko proiektuetan lan egiteko.
Gure norabidea ez da aldatu, eta bozgorailuak betiko tokian jarraitzen du.
ZERTARA BIDERATUKO DUGU ESKURATUTAKO DIRUA?
Zuek eginiko aportazioen babesarekin, disko berriaren grabazio, nahasketa eta masterizaziora bideratuko dugu dirua, baita honen packaging era. Honez gain, gainontzeko zuen sariak egiteko ere lagungarri izango zaigu.
Crowdfounding honetan parte hartzen duzuenok, bereziki kanpaina honetarako egindako kamiseta eskuratuko duzue (sari hau aukeratzekotan).
AURREIKUSITAKO EGUTEGIA:
Hau da zuen laguntzarekin aurrera aterako dugun diskoaren egutegia:
Abendua/Urtarrila: diskoaren grabazioa eta nahasketaren hasiera.
Otsaila: Nahasketa eta masterra alde batetik, eta packaging-a bestetik.
Martxoa: lehenbiziko kontzertua, KDaren aurkezpena eta banaketa hile erdialdean.
BILA GAITZAZU:
Facebook: @bultzpunkrock
Twitter: @bultzpunkrock
Instagram: bultzpunkrock
2 comments
If you are already a sponsor, please Log in to comment.
Bultz!
Author
Aupa Ricard,
Pondremos el pack camiseta (envio incluido) + descarga + agradecimientos.
un saludo.
Ricard Méndez
camiseta (envio incluido) + descarga o cd + agradecimiento por 15 € podéis hacer este pack?