1984. Polizia Nazionalak Rosa Jimeno ilegalki atxilotu eta torturatu ostean, iparraldeko Komando Autonomo Antikapitalistetako kideekin zita bat jartzera behartu du. Pasaiako badiako harkaitzetan hanketatik soka batekin lotuta dute Jimeno. Seinalea egitean iparraldetik datorren zodiaka gerturatu da. Sekulako tiro zaparrada hasi da.
Joseba Merinok azalduko duenez, Pedro Mari Isart eta Jose Mari Izura lehen tirokaldian hilko dira. Bera, Rafael Delas eta Dionisio Aizpuru atxilotu ditu ondoren poliziak. Delas eta Aizpuru harkaitzetan bertan fusilatu dituzte. Gorpuei 113 bala zulo zenbatu dizkie Pako Etxeberria forenseak. Bertsio ofizialak enfrentamendu bat egon dela dio.
2016. Donostiako Auzitegi Probintzialak, hilketa zantzuak daudela aitortu arren, kasua behin betirako artxibatu du. Ezin izan dituztela delituaren egileak identifikatu. Senideek Estrasburgora jotzeko asmoa adierazi dute.
32 urte pasa dira gertakari latz haietatik, baina oraindik kasuak argitu gabe jarraitzen du. Dokumental honekin Pasaiako gertaerak gizarteratu eta badian argi izpi bat piztu nahi dugu.
Dokumentala
Pasaiako gertaerak oinarri izango dituen dokumental koral bat izango da. Kazetaritzak berezkoak dituen zehaztasuna eta ikerketa lana eta ikuslearentzat erakargarri egiteko beharrezko estrategia narratiboak uztartuko ditu.
Orain arte, lau hildakoen senideak, Xanti Gonzalez eta Miguel Castels abokatuak, Rosa Jimeno eta Joseba Merino gertaeren testigu zuzenak, tiroketa entzun zuten Pasai Donibaneko testiguak, Carlos Garaikoetxea lehendakari ohia eta Enrique Villareal "El Drogas" grabatu ditugu besteak beste.
Bildutako dirua zertan erabiliko dugu?
Aurrera begira Pako Etxeberria mediku forensea eta biktimen erreparazioan aditu bat grabatzeko asmoa dugu. Garai hartako Espainiako Gobernuko kideak elkarrizketatzeko saiakera ere egin nahi dugu. Dokumentalaren hainbat atal osatzeko sekuentziak ere grabatzeko ditugu.
Gainera, edizio lanak, itzulpenak egin eta azpitituluak jartzea, diseinu grafikoa, musika, soinu eta irudi posprodukzioa eta hedapen lanak ditugu aurretik.
Orain arte sortutako gastuen zati bati aurre egin eta aurrera begira ditugun erronkak finantzatzeko abiatu dugu crowdfounding kanpaina.
.
2017ko udazkenean estreinatuko dugu dokumentala. Ahalik eta hedapen handiena emango diogu dokumentalari, zinemaldi desberdinetara aurkeztuz nahiz zine aretoetan eta telebistan eskainiz.
Ordainsariak
DVDak eta posterrak dokumentala estreinatu ondoren banatuko ditugu. Otarra eta landetxearen zozketa, berriz, crowdfunding kanpaina amaitutakoan egingo dugu, 2016ko abenduan, alegia.
Nahiago izanez gero, ekarpen ekonomikoa kontu korronte bidez ere egin daiteke (3035 0020 50 0200077356 - Oinatzak Produkzioak).
Lantaldea
Dokumentala Oinatzak Produkzioakeko Yuri Agirre, Erik Aznal eta Xabier Otamendi ari gara garatzen eta grabazio lanetan lagundu digute On Produkzioakeko Iban Toledo kameralariak, Olaia Sanchez soinu teknikaniak eta Izeia Urdanpilleta makilatzaileak.
Info+:
Facebook.com/pasaiakobadia
@pasaiakobadia
Pasaiako Badia komunikabideetan
Info7 irratian elkarrizketa
Uztarria.eus atarian elkarrizketa
2 comments
If you are already a sponsor, please Log in to comment.
Oinatzak Produkzioak
Author
Eskerrik asko!
Sare Antifaxista
Kaixo !
Sare Antifaxista al igual que anteriormente lo hizo con los proyectos: 120 HORAS La tortura contra E.H, Desobedientzia - De la solidaridad al compromiso
Galdutako Objektuak: El Caso Zabalza, se suma a este con su aportación.