Os nosos antecedecentes
Somos DOLLY, unha produtora ourensá. Todos os integrantes temos unha ampla experiencia no medio audiovisual: departamento de guión, fotografía, dirección, cámara, montaxe e posprodución. Un bo día coincidimos, e xuntamos os nosos coñecementos para montar unha produtora audiovisual. Empezamos a cubrir todo tipo de eventos sociais: traballos aéreos, spots, videoclips, e máis tarde embarcámonos na nosa primeira curtametraxe como grupo: VÉNDESE. BAIXO PREZO, POUCO USO, con CARLOS BLANCO e XÚLIO ABONJO no reparto, nominada ós XIII PREMIOS MESTRE MATEO 2015, seleccionada para competir polo premio do público no FESTIVAL SHORT OF THE YEAR, e incluída na competición oficial do XII FESTIVAL DE CANS 2015. Trailer
Despóis de "VÉNDESE"...
Temos un novo e ilusionante proxecto, FUMANDO ESPERO. Pero se algo botamos en falta no anterior, foi a posibilidade de rodar cunha cámara cinematográfica dixital que grave en formato RAW-4K para obter unha boa calidade e ter máis oportunidades para competir con outros proxectos, cubrindo unha ampla gama de festivais. Pero iso require un apoio económico, ata agora insuficiente, por iso necesitamos da colaboración de todos vós.
A historia sitúanos na vida de dous amigos separados polo tempo e polo espazo, que verán truncados os seus destinos de maneira drástica cando se xunten unha noite para cear.
O que tratamos de mostrar neste proxecto é como as novas tecnoloxías nos afectan, de como mostramos unha cara ó público, cando a realidade é ben distinta en moitos casos.
Parte dun todo
Son José A. Blanco, o guionista, o montador e o director. Pero hai un grandísimo equipo detrás colaborando desinteresadamente para levar a bo porto o proxecto.
Necesitamos unha morea de cousas e nunha porcentaxe económica bastante máis elevada, pero queremos usar esta plataforma como apoio, non como financiación íntegra. Non queremos que nolo subvencionedes. O que se consiga vai utilizarse para alugar material de cámara (corpo e lentes), e iluminación. Xa temos contactado coas empresas que nolo facilitarían. A posprodución correrá da nosa conta. Se conseguísemos superar a aportación solicitada, usaríamos ese diñeiro para alugar un equipo de cámara (cuxo prezo rondaría os 7.000€) que nos permita competir con outras producións nacionais ou estranxeiras.
Calendario
As nosas datas de rodaxe abranguen os días 15 e 16 de xuño de 2015, e o lugar será Ourense. Entregarémoslles as recompensas ós mecenas a finais dese mesmo mes, unha vez empezada a fase de posprodución.
Equipo artístico
Equipo técnico
Guionista, montador e director: J.A. BLANCO
Axudante de produción, foto fixa, claqueta, eléctrico: DANI GALLEGO
Operador de cámara / dirección de fotografía: RUBÉN CAO
Script: ALBA ARAÚJO
Maquillaxe: LORENA FIDALGO
Música: JORGE GODÁS, ZORAN DJUKANOVIC e EMILIO RÚA
Axudantes de dirección: PACO LUÍS CAMPOS & ÓSCAR DOVISO
Son directo: SIMPA
0 comments
If you are already a sponsor, please Log in to comment.