CD BERRIA "U"
Gure zortzigarren diska izango dena "U" deituko da. Bertan 10 edo 11 abesti agertuko dira denak Josu Aranbarri eta Txomin Uriberen musikarekin. Hitzei dagokienez aurretik aipatutako bienak eta Kirmen Uriberenak izango dira.
Urdulizko "Tio Pete" estudioetan grabatuko dugu 2015eko urtarrilaren hasieran. Teknikari bezala Jose Lastra (ezaguna bere grabazioengatik, Zea Mays, Ama say, Split 77,Pi L T, Juan Carlos Perez...) arituko da. Grabaketara aurrerago argituko ditugun gonbidatu batzuk ere etorriko dira.
Nola hirugarren aldia izango den "Tio Pete" estudioetan grabatuko duguna eta Jesus Galan kitarrakolearekin, eta nola aurreko cd-en izenak "argia eta itzala (a.e.i.)" eta "zero (o)" izan ziren, proiektu berriari "U" deitzea erabaki dugu.
Piztiak aspaldiko euskal talde bat gara. 7 diska, poesia emanaldiak, bideoklipak, zuzeneko grabazioa DVDan, dokumentala eta margo erakusketak egin ditugu urteetan zehar. Baita ere Pantxo Bedialauneta sukaldariak gure abestietan oinarritutako platerak egin izan ditu.
Taldea Ondarru, Azkoiti, Azpeiti eta Bilboko kideekin osatua dago. Musikariak Josu Aranbarri, Peio Larrañaga, Jesus Galan eta Txomin Uribe; teknikaria Jose Lastra; bideoartista Josu Eizagirre eta hitzak Kirmen Uribe.
27 urte hauetan Euskal Herriko eta kanpoko bazter askotan aritu gara jotzen.
Diskografia:
PREHISTORIA
TU-K
• EXISTENTZIA (MAKETA 1987)
• BELTZA (MAKETA 1989)
HISTORIA
PIZTIAK
• HUTS NAZAZU (MINILP –Elkar 1991)
• EZ NAIZ EZER (SINGLE –Elkar 1991)
• HASI ORDUKO (LP/CD –Elkar 1992)
• ARGIA ETA ITZALA (CD –Gaztelupeko Hotsak 1998)
• ZERO (CD –Gaztelupeko Hotsak 1999)
• EURIAREN ZAIN (CD/DVD –Gaztelupeko Hotsak 2005)
• GABEKO KALAPITXIXAK (CD -Buztenbaltza 2009)
ZUEN DIRUA ZERTARAKO?
Zuen ekarpena grabazio estudioaren zati bat ordaintzeko erabiliko dugu. Guk estudio eta teknikaria ordaintzeko geratuko den zatia, edizioa, zabaltzea, materialea, eta beti sortzen diren bestelako gastoak hartuko ditugu gure gain.
SARIAK
Sariak gustokoak izango direlakoan era askotakoak jarri ditugu. Berezitasun bezala Josu Aranbarrik "gabeko kalapitxixak"-en erakusketetarako egin zituen margolanak agertzen dira. Denetarik ipintzen saiatu gara.
EGUTEGIA
Grabazioa 2.015eko urtarrilaren hasieran egingo dugu. Gero nahasketak eta bukatzeko edizioa. Martxorako "U" cd berria kalean egotea aurreikusten dugu baina beharabada otsailean egina da.
Cd-ak edizioa bukatzerakoan poztaz bidaliko ditugu, martxoa aldera. Bilbo, Azpeitia edo Ondarruko leku batean hartzeko aukera ere egongo da.
1 comment
If you are already a sponsor, please Log in to comment.
Ketdn
Felicidades por la consecución de vuestro objetivo. Animo en vuestro camino hacia el siguiente. Cuenta con mi modesto apoyo para ese momento, desde Cartagena.