K-MUDAR

“K-MUDAR” ye'l nome que recibe'l primer discu d'estudiu del grupu Abéu. Un proyeutu que pretende ufiertar una interpretación actualizada de la música tradicional asturiana dende'l soníu que nos identifica y que llevamos definiendo dende la creación del grupu en 2018, dende lo que somos, xirando tou al rodiu del relevu xeneracional, nel que confiamos y al que queremos poner en valor.

Quiénes somos

Abéu somos Eduardo Llosa (guitarra), María Blanco, Paula Vega y Óscar Vega (voz y percusión). Un grupu folk cuyu repertoriu ta formáu por cantares pertenecientes a la música tradicional asturiana y que tien como oxetivu romper cola mesma, ufiertando un enfoque distintu y afechu al contestu musical actual.

Tolos temes del grupu respeten les estructures tradicionales, polo que los conciertos resulten mui adecuaos pa esos eventos onde se precise repertoriu enfocáu al baille.

A qué destinaremos les vueses aportaciones

¡Pa poder llevar a cabo'l discu precisamos que nos ayudéis! Al traviés d'esta campaña vais poder acutar les vueses recompenses y ayudar a financiar la grabación, edición y producción del nuesu discu. Vais ver una gran variedá de packs con tou tipu de merchandising de “K-AMUDAR” pa qu'escoyáis lo que más vos preste. Dalgunos de los productos cuenten con más d'un modelu:

CAMISETA 'K-MUDAR'

CAMISETA 'I LOVE'

Calendariu previstu

Calculamos entamar cola grabación del discu esti iviernu y poder sacalu la primavera de 2026. Entá nun tenemos fecha fixa para la presentación pero a partir d'esi día van empezar a entregase les recompenses, de nun poder acudir pondríamonos en contautu con vós pa facévosles llegar.

+ Info

¡Poco más que cuntar! Dende agora vamos tar bien activos en redes sociales informando de toles novedaes y más noticies. Milenta gracies por dedicar tiempu a lléenos y sofitar el nuesu proyeutu. Dexámosvos les nueses redes equí embaxo:

• Instagram : @abeufolk

• Facebook: Abéu Folk