FESTIVAL INTERNACIONAL DE LA GAITA - VILLAVICIOSA 2025
Otru añu más, Villaviciosa convertirase nel coral de la música folk del 4 al 7 de setiembre, gracies al FIG, un eventu que cellebra lo rico que ye la nuesa tradición musical, la nuesa cultura y lo más importante, la nuesa forma d'entender la vida.
Imaxina poder llevar contigo un cachin d'esa identidá, la esencia de la folixa yá'l sentimientu de pais que'l FIG tresmite.
Gracies a Nieves González ,el productu estrella d'esti añu, el pañuelu va convertise en daqué más qu'un complementu, nuna seña d'identidá, argullu y sentir pola nuesa cultura. Ainda nun ye solo 'l pañuelu, la nuesa camiseta yá la tote bag, el restu de merchandising tamién tan cargaos de ciño y alma pa sentilo parte de lo tuyo.
Aunque puedes mercar casi too'l nuesu merchand por separao: camisetes, pañuelu yá totes. Pa tener una esperiencia completa recomendámoste mercar el pack FIG. que contién: El pañuelu, la camiseta, la tote, el vasu, la chapina, la pegadiella yá'l cartelu de la edición XVIII. EXCLUSIVOS D'ESTA EDICIÓN
Nel casu de les camisetes unviaremoste un correo ellectrónicu con un cuestionariu pa escoyer la talla. La recoyida física tendrá llugar nel puestu de la BGV nel propiu festival.
¡Esfruta’l Día d’Asturies, con música y señardá!
Esti añu tiramos la casa pola ventana con motivu del Día d’Asturies, ufiertamos un programa per completu yá munches sorpreses que nun quies perdete.
¿Quiénes somos y qué facemos?
Somos la Banda Gaites Villaviciosa - El Gaitero fundada en 1986. A lo llargo de los sos 39 años d'esistencia, la banda espardió la música y la cultura asturiana por tolos rincones d'Asturies, per distintos llugares del están español y per numberosos países d'América, contribuyendo al espardimientu internacional del folclore asturianu.
Nos caberos 20 años tamos desendolcando'l FIG (Festival Internacional de la Gaita), gracies al empeñu de los integrantes de la banda, voluntarios, el sofitu de los comerciantes, hosteleros yá llagareros del conceyu de Villaviciosa.
Gracies a la llabor de toos, el FIG convirtiose nun eventu que la xente nagua por revivir añu tres añu. Siendo ún de los principales referentes turísticos del conceyu durante'l branu. Y cada añu ganando más renombre dientro del panorama folk de la península yá fuera d'ella.
¿Por qué una campaña de Crowdfunding?
El FIG lleva años siendo un referente de la cultura asturiana, un espolín de música, tradición cultura y folixa que cada mes de setiembre fae tremar les cais de La Villa.
Esti 2025 queremos qu'el festival siga medrando, y siéntase más vivu que nunca yá que, un añu más, toque'l coral de tola xente que cree na cultura como forma d'aconceyar. Pero tamién sabemos que los tiempos nun son fáciles. Los costes de producción siguieron medrando, y queremos siguir apostando por un modelu de festival de baldre, participativu yá con programación de calidá, ensí renunciar a lo que lu fae únicu.
Por eso, y gracies al gran sofitu que recibimos l’añu pasáu, tornamos a llanzar esta campaña de micromecenazgu. Porque creyemos que la cultura ye cosa de toos, yá que con un pequeñín emburrión por parte de quien cree nel festival, podemos tornar a dar vida a les cais De la Villa como se merecen.
Participando nesta campaña, nun solo ayudas al festival: formes parte d'él.
El FIG ta pensáu como un escenariu vivu pa divulgar un universu cultural enteru que xira alrodiu'l nuesu instrumentu estrella: la gaita. Totém, seña d’identidá y compañera fiel de la nuesa hestoria, la gaita ye coneutora de cultures en toa Europa yá símbolu indiscutible de la cultura asturiana.
Nestos últimos años, fuimos abriendo camín a tola creación artística y cultural que tuviera rellación con esti instrumentu: músicos nacionales yá internacionales de primer nivel, artesanos, luthiers, charres divulgatives yá hestóriques, concursos, presentaciones de llibros y estudios, tonada, nueche en danza, clases de baille asturiano y d’otros rincones d’Europa, festival de la sidra, artesanos del traxe’l país...
En resume: un mundu enteru de cultura con un coral que suena a gaita.
Tol dineru recaudáu va emplegase íntegramente nel desendolque del festival.
El festival va cuntar con una programación cultural qu'incluye conciertos, charres, esposiciones, Nueche en Danza, festival de bandes de gaites, Nueche Folk, mercáu artesanu, l'únicu alcuentru de luthiers d'Asturies, certame de tonada, concursu de gaiteros solistes... ¡y muncho más!
1 comentario
Si ya eres mecenas, Inicia sesión para comentar.
Carlota
Gracias por vuestro esfuerzo y trabajo