Kaixo!
Ongi etorri gure crowdfunding kanpainara. Lantalde zoragarri eta talentoso baten laguntza estimatuarekin sartzen naiz abentura honetan. Guztiok ilusioz beteta, proiektu berezi eta teknikoki erronkaz beteta aurkezten zaigun honetan.
EKARPEN GUZTIEKIN FILMAREN KAMIXETA OPARITUKO DUGU
Zuen ekarpen guztiak aurrez eskertzen dizkizuegu eta nahiz eta ustez txikiak izan, edozein ekarpen baliagarri izango da gure helburua lortzeko.
Kanpaina honekin jasoko dugun dirua postprodukzio gastuak estaltzeko erabiliko dugu. Azkeneko urteetan eta plataforma desberdinetan kanpaina dexente burutu ditut baina kanpaina honetan, lehenengo aldiz, filmaren grabaketan parte hartzea eskainiko dugu sari bezala. Animatu gure extra izaten!
Sinopsia
Gaua iritsi da Donostiako kanpokaldeko auzo txiro batean. MERY -k (45) zigarroari azken zurrupadak ematen dizkio bere pixu txiki eta kaxkarraren lehio bakarrera aterata.
Seme-alabak bere Hego Amerikako sorterrian utzita etorri behar izan zuen Euskal Herrira eta umeen falta jasangaitza egiten zaio bere bakardadean.
Gauero autobusa hartzen du Donostiako zentrura, garbitzaile modura gaueko txanda tokatzen bait zaio antzoki batean.
Antzezlana amaitu ondoren iristen da antzokira. Publikoa eta antzezlea joan dira eta antzokia hutsa geratu da.
Mery harrera ingurua garbitzen hasten da, poliki eta motibazio gabe lan egiteak dakarren nagikeria horrekin.
Baina gaurkoa ez da betiko txanda monotonoa izango Meryrentzat. Gaur, sekula garbitu ez duen leku bakarrera sartuko da: aktoresaren kamerinoa.
Eta honek bizitza aldatuko dio... minutu batzurako behinik.
Zertarako behar dugun finantziazioa
Lehengo urtean diru laguntza txiki bat jaso genuen eta horrekin eta ekoiztetxearen inbertsioarekin filmaren produkzioarekin aurrera egitea erabaki genuen. Kanpaina honetan jasotzen dugun dirua postprodukzio kostuak estaltzeko erabiliko dugu.
Talde Tekniko eta Artistikoa
Lantaldearen %75a emakumeak osatzen dugu! Ta gizon zoragarri batzuk ere hortxe daude gurekin. Esperientzia handiko profesionalak denak, bai zinean eta baita telebistan ere eskarmentua dutenak.
TALDE ARTISTIKOA
MERY: Enriqueta Vega
AKTORESA: Patricia Urrutia
TALDE TEKNIKOA
ZUZENDARIA: Izaskun Arandia
ARGAZKI ZUZENDARIA: Amara Mosteiro
GIDOILARIA: Izaskun Arandia
EKOIZPEN BURUA: Itziar Otxoa
ARTE ZUZENDARIA: Lierni Izagirre
ACTING COACH: Olatz Beobide
ZUZENDARI LAGUNTZAILEA: Maider Oleaga
EKOIZLEA: Kristina Zorita
MAKILAIA & ESTILISMOA: Aloña Gallastegi
KAMERA LAGUNTZAILEAK: Uxue Jimenez eta Heidi Otaduy
ZUZENEKO SOINUA: Jokin Valenzuela
MUNTAIA: Iban del Campo
ARTE LAGUNTZAILEA: Natalie Garrido
LOKALIZAZIOAK & KREDITUAK: Angel Aldarondo
DIT: Maitane Carballo
Egutegia
Momentu honetan preprodukzio erdian murgilduta gaude. Lokalizazioak lortu ditugu eta lantaldea osatuta dago, gidoi teknikoa amaituta eta hemendik aurrera produkzioaren xehetasunak lotzen joango gara.
Filmaketa egun hauetan izango da: Irailak 29, 30 eta urriak 1. Eszena guztiak Donostian grabatuko ditugu.
Urrian zehar filmaren muntaketa egingo dugu eta azaroan soinu postprodukzioa.
Proiektu honen historia
Orain dela 8 urte idatzi nuen gidoia. Garai hartan Londresen bizi nintzen, Stoke Newington izeneko auzoan. Oso leku berezia zen eta sozio-ekonomikoki desberdintasun itzelak aurki zitezken auzoan. Telebista eta zine munduan aritzen zen jende asko bizi zen bertan eta baita inmigrante asko ere. Klase ertain glamurosoa, langabe eta txiroenekin naturaltasun sinestezin batekin nahasten zen.
Testuinguru honetan ezagutu nuen Mery, Bolibiako emakume bat, inmigrante ilegala. Nere goiko pisuan bizi zen, logela bateko estudio kaxkar batean bera eta bere 4 familiakide bizi ziren. Meryk Bolibiatik alde egin behar izan zuen eta bertan utzi zituen bere 5 seme-alaba eta senarra. Goiz eta gau lan egiten zuen garbitzaile bezala eta aurrezten zuen diruarekin banan-bana bere familiakideak Inglaterrara ekartzen ari zen. Nik ezagutu nuenean 2 seme eta alaba ekartzea falta zitzaion. Berarekin solasaldi mordoa izan nuen eta beti ikusten nuen amaigabeko tristura bere begietan. Bere umeen falta jasanezina egiten zitzaion eta egunero egiten zuen negar beraietaz pentsatzen.
Mery izan zen nere inspirazioa NIGHT SHIFT idazteko. Orain Euskal Herrrian bizi naizenez, gidoia euskarara itzuli eta Euskal Herrira egokitu dut, eta Donostian filmatuko dugu irailean.
Gaiak
Zineari eta antzerkiari eman nahi izan diodan omenaldi xume honetan elementu garrantzitsu bat elkarrizketarik ez egotea da. Honekin lortu nahi dudana, alde batetik, ikusmena eta entzumenak garrantzi funtsezkoa izatea da. Irudiek istorioa kontatzea nahi nuen eta honekin batera, gidoia “entzun” ahal izatea, soinuari eman diodan garrantziarekin. Elementu dramatikoak dira eta istorioa kontatzen lagunduko digute.
Istorio honen garrantzia eta indarra honako gai hauetan datza: desberdintasun sozio-ekonomikoak, inmigrazioa, emakumea, voyeurismoa, enpatia, antzerkia, zinea.
Erreferentzia Bisualak
Info +
Ekoiztetxearen webgunea:
www.izarfilms.com
Twitter:
@filmnightshift
Facebook:
NightShiftShort
MILA ESKER!
0 iruzkin
Proiektuaren mezenas bazara, Saioa hasi iruzkina egiteko