In order to interact successfully and get the best performance from our website, we recommend upgrading your browser to a more recent version or using another browser such as Chrome or Firefox.

Discover the 10 most exciting projects of 2018!

Festival Audiovisual Olloboi 2016

Olloboi 2016 é a 7 convocatoria dun festival audiovisual orientado ó ámbito escolar, da educación infantil a universitaria. Trátase dun proxecto sen ánimo de lucro, comprometido, que fomenta e promove a canteira do audiovisual. Precisamos un mínimo de 3000€ para organizalo, faite Cómplice!

Olloboi

A project of

Category

Created in

0
seconds
35
Patron
1.040€
From 900€
Contribute to the project

Olloboi é un Festival Audiovisual orientado a producións audiovisuais de ámbito escolar e académico, desde educación infantil a universitaria.

Recibe traballos de toda Galicia e celebrará este 2016 a súa 7ª edición. Por repercusión e participación (máis de 100 inscritos de toda Galicia e 10 000 visitas na nosa web e redes sociais en cada unha das 2 edicións anteriores) este festival representa xa á canteira do audiovisual galego

Olloboi tamén é unha asociación sociocultural sen ánimo de lucro, fundada inicialmente por profesor@s de secundaria pero aberta hoxe á colaboración de profesionais doutros ámbitos.

Conscientes de que no panorama da cultura galega non hai un recoñecemento explícito das iniciativas audiovisuais escolares, decidimos traballar para premiar a orixinalidade, arte e compromiso de moitos futuros profesionais. Olloboi tén unha clara vocación educativa e creativa, pois persegue a sensibilización social e medioambiental e fomenta o activismo e o traballo colaborativo.

Os custes do festival non son grandes porque capitalizamos o noso traballo: os propios organizadores creamos a aplicación web, levamos a comunicación e publicidade, producimos o evento e realizamos o grafismo. Todo o recadado invéstese na produción do evento, maiormente nos premios das 10 categorías. (Consultar bases en olloboi.com para ver detalles da convocatoria).

A proposta para este ano 2016 é máis ambiciosa cá de anos anteriores, pois pretendemos organizar proxeccións en diferentes centros galegos, 2 xornadas en Boiro que resuman o traballo de anos anteriores, e 1 novo encontro de 2 días entre creador@s (do mundo escolar) e profesionais; incluíndose na programación obradoiros de creación audiovisual, charlas sobre novo cinema galego e ficción, panorama audiovisual actual (segundo a Academia Audiovisual Galega), etc…

Date unha volta pola nosa Videoteca para ver traballos gañadores de anteriores edicións e outros vídeos.

Organización do festival

Olloboi organízase fundamentalmente a través da web do festival: olloboi.com e empregamos o noso Facebook e Twitter para difundir a información.

Os participantes deberán ter o seu vídeo colgado en Vimeo ou Youtube. Ó inscribirse proporcionan a dirección do vídeo xunto con outras informacións. En olloboi.com iranse publicando os vídeos a medida que a organización os revise e valide.

A organización seleccionará @s finalistas de cada categoría e o xurado elexirá @s gañadores, que se darán a coñecer na Gala de entrega de premios que se celebrará na Casa da Cultura de Boiro (A Coruña) o 28 de maio de 2016.

Calendario previsto

  • Ata 6 de maio: inscrición de traballos en olloboi.com
  • 27 e 28 de maio: Encontro Olloboi 2016 e gala de entrega de premios

A qué destinaremos os cartos

Olloboi é unha actividade sen ánimo de lucro, sacada adiante grazas á colaboración e o esforzo altruísta de moita xente.

É un festival independente, no que os premios e gastos derivados da organización do festival fináncianse a través de donacións de particulares, patrocinios de empresas e comercios locais.

Todos os cartos recadados destinaranse completamente a cubrir os gastos derivados da organización do Encontro e a sufragar os premios (10 categorías).

Cantos máis cartos xuntemos, máis e mellor dotados estarán os premios do festival. A intención é que o balance final de ingresos e gastos sexa cero. Para facilitar a transparencia, publicaremos un resumo das contas en olloboi.com.

As recompensas entregaranse durante a Gala de Entrega de Premios. En caso de non poder asistir enviaranse por servizo de mensaxería á dirección postal que se facilite.

Colabora con nós!! Faite cómplice do noso proxecto!!

Máis información?

En olloboi.com ou na nosa páxina en Facebook

FAQ

There are none published yet.

Do you have any other queries or questions?

0 comments

If you are already a sponsor, please Log in to comment.

10€
3 backers

CÓMPLICE OLLOBOI 8mm

Carnet Socio-Cómplice por un ano
+ Chapa Olloboi
+ Recoñecemento en olloboi.com

20€
18 backers

CÓMPLICE OLLOBOI 16mm

Camiseta Olloboi
+ Carnet Socio-Cómplice por un ano
+ Chapa Olloboi
+ Recoñecemento en olloboi.com

30€
5 backers

CÓMPLICE OLLOBOI Súper 16mm

Camiseta Olloboi
+ Carnet Socio-Cómplice por un ano
+ Bolsa Olloboi
+ Chapa Olloboi
+ Recoñecemento en olloboi.com

50€
8 backers

CÓMPLICE OLLOBOI 35mm

Camiseta Olloboi
+ Bolsa Olloboi
+ Carnet Socio-Cómplice por 5 anos
+ Agasallo personalizado Olloboi
+ Cartel asinado por presentador@s gala
+ Recoñecemento destacado en Olloboi.com

100€
1 backer

CÓMPLICE OLLOBOI ZAMBURRIOI 70mm

Camiseta Olloboi
+ Olloboi trofeo amigurumi
+ Bolsa Olloboi
+ Carnet Socio-Cómplice indefinido
+ Cartel asinado por presentador@s gala
+ Recoñecemento destacado na gala e en Olloboi.com

Cookies help us to offer our services. Continuing to browse entails acceptance of their use.