Da túa man para a miña

Da túa man para miña é unha longametraxe documental sobre a descomposición da comunidade no mundo rural. O co-director Fran Rodríguez Casal atopou video arquivo de hai 30 e 40 anos na súa aldea, Traspielas. Agora, xunto con Coral Piñeiro volven a visitar os mesmos lugares e as mesmas personas para reflexionar sobre o paso do tempo e a memoria colectiva.

Este proxecto nace despois de recibir unha bolsa para a produción dunha exposición na Zona C en Santiago de Compostela. Esa Exposición estaba formada por foto actual de paisaxe e persoas da parroquía de Traspielas, material de arquivo (fotos, documentos legais, postais, cartas…) de hai máis de 100 anos ata os anos 70 e video arquivo de varios actos comunais gravados nos anos 80 e 90.

Logo a directora Coral Piñeiro súmase ao proxecto e a produtora Miramemira decide apostar por nós e apoiarnos para pedir unha Agadic de talento que nos concederon no ano 2022.

Tendo a financiación necesaria para o rodaxe, agora necesitamos axuda para conseguir financiación para o proceso de post-produción e distribución.

A HISTORIA

No video arquivo atopado recóllense diferentes actos comunais na aldea onde participaban case todas as persoas. Algúns deses actos eran de festas como o último serán ou a festa do 25 de agosto onde toda a aldea come no adro da igrexa. Outros, son de protesta, como cando a aldea, encabezada polas señoras maiores, loitaron contra os donos dos cabalos que baixaban a comer as súas hortas. Secuestraron os cabalos e pediron un rescate por eles para pagar os desperfectos. Incluso a guardia civil non pode coa forza do unión da aldea.

Hoxe en día a realidade é moi distinta. Segue habendo comunidade e segue habendo seráns, festas ou protestas colectivas, mais algo cambiou. As persoas maiores pasan moito tempo soas na casa, e as novas fan o que poden tendo que emigrar a outros lados para poder atopar traballo.

Queremos comparar ambos tempos para poder reflexionar sobre aquilo que está cambiando, denunciar as carencias e por en valor o que resiste, ou mudou, pero en favor da comunidade.

QUEN SOMOS

Somos un rapaz e unha rapaz novos que estamos dando os noso primeiros pasos no mundo do cine.

Fran Rodríguez Casal é un artista visual e cineasta que desenvolve proxectos de longo recorrido ligados a comunidade e a interacción do ser humano co seu entorno. Membro da asociación Memoria e Cinema.

Coral Piñeiro é unha cineasta e animadora que ten realizado dúas curtametraxes premiadas e con recorrido, Dores (2020), e Na pel da memoria (2022). Entre outros proxectos forma parte da asociación Memoria e Cinema.

OS ACTORES E ACTRICES

Esta é unha película documental protagonizando por toda unha aldea, na que os seus habitantes están representándose así mesmos.

LOCALIZACIÓNS

Todas as localizacións serán na zona de Traspielas, recollendo a beleza do entorno privilexiado no que está situada a aldea. Por un lado, as fragas que baixan ata o río Barragán, onde hai unha ruta que pouco lle envidia as Fragas do Eume, con fervenzas, muiños antigos, chozos, pontes do s. XIII...

Por outro lado, as montañas que inician a Serra do Suído. Un sistema montañoso no que se atopan rutas preciosas nas que se poden disfrutar dunha natureza moi pouco intervida e con vistas a ría, a serra do Peneda Geres ou incluso a Curota en Ribeira. Ademais de todo o patrimonio cultural que atopamos nelas, como o doble foxos dos lobos, unha neveira do S. XIII ou unha cidade de chozos nas costas do Alén que está sendo excavada polo CSIC.

EQUIPO TÉCNICO

Directorxs: Fran Rodríguez e Coral Piñeiro

Guión: Fran Rodríguez e Coral Piñeiro

Voz off: Su Garrido Pombo

Empresa Productora: Miramemira

Produtora executiva: Belen G. Ojea

Directora de Produción: Bea Villar

Auxiliar de Produción: Clara Maseda

Director de Fotografía: Fran Rodríguez Casal

Son Directo: Coral Piñeiro

Dirección de Arte: Clara Miñán

Auxiliar arte: Sara Ríos

Montaxe: Fran Rodríguez

Música Orixinal: Su Garrido Pombo

PostProdución de Son: Cinemar

PostProdución de imaxe: Laboratorio Numax

PLAN DE PRODUCIÓN

AS RECOMPENSAS

Coas recompensas queremos achegar un anaquiño de Traspielas e do proxecto que estamos a facer a aquelas personas que nos axuden.

Os fancines, as fotos, as postais etc. que se dan como recompensa van a estar todos deseñados por Coral Piñeiro e contarán coas fotos de Fran Rodríguez que xa foron expostas en cidades como Porto, Braga ou Santiago de Compostela e que son todas realizadas na aldea ao longo dos últimos 5 anos, tanto da xente como da paisaxe.

No cancioneiro contaremos co apoio da artísta e música Su Garrido Pombo. Podes escoitar o seu traballo en Bandcamp.

MÁIS INFO

Segue o proxecto en Instagram
INSTAGRAM

Webs do equipo

WEB FRAN (Aquí podedes fotos do proxecto Da túa man para a miña.)
WEB CORAL
MIRAMEMIRA