Festival Polas Bravas

Festival Polas Bravas

Somos Polamiúda, unha asociación feminista que leva desde o ano 2017 desenvolvendo a súa actividade na vila de Chantada, organizando actividades formativas, divulgativas e de sensibilización e, cando cómpre, promovendo accións reivindicativas e de rúa.

Instagram Polamiúda

Facebook Polamiúda

Desta volta, traémonos entre mans un festival que non só pretende ser unha canle facilitadora do discurso feminista á veciñanza da nosa contorna, senón tamén unha vía de libre acceso a discursos, producións e contidos culturais alternativos e independentes que non sempre chegan ás vilas que esmorecen como a nosa.

O Festival

Instagram Polas Bravas

A programación de Polas Bravas abrangue un espectro ben amplo de posible público: desde música de mozas novas, ata teatro centrado na música da tradición oral, pasando por poesía para todas as idades, non exenta de ocos para o humor. Múltiples expresións culturais destinadas e accesibles a todas as idades.

Escollimos un elenco de mulleres galegas con moito que contar tanto no eido teatral coma no musical, e que de seguro farán que este festival sexa recordado e poida ter continuidade.

Por que un Verkami?

Presentación Verkami

Nunca -en máis de cinco anos de actividade- solicitamos cartos públicos para o desenvolvemento da nosa acción, no convencemento tamén de que había demasiadas necesidades que cubrir coas mulleres en peor situación ca nós.

Nesta ocasión solicitamos a colaboración das institucións, as empresas da zona e as persoas comprometidas (con este Verkami) porque os nosos fondos non chegan para facer un evento desta magnitude, pero sobre todo polo firme convencemento de que este Festival terá un efecto moi positivo na vila e na contorna.

Se alcanzamos o obxectivo os cartos irán destinados a sufragar diferentes gastos de producción e artistas e servirán sobre todo para que afrontemos o festival con tranquilidade e poñendo toda a nosa enerxía en gozar con vós desta marabillosa proposta.

Recompensas

Todas as recompensas xiran ao redor do merchan do festi. Vós poderedes conseguir merchan único e exclusivo e nós planificar a producción (ademáis de axudarnos a que este proxecto sexa real)

Ademáis, as que escollades POLAS BRAVAS poderedes ter acceso ao suadoiro do festi, que só se poderá conseguir no Verkami.

As recompensas entregaranse no Festival ou na semana posterior aquelas que non puideron ser entregadas en persoa.

Recompensa especial

Todas as aportacións ao proxecto entrarán nun sorteo moi especial. Sortearemos unha ruta para dúas persoas por dúas adegas da zona que teñen mulleres bravas á cabeza: Amedo e Cipreses. Iredes acompañadas pola nosa fotógrafa favorita, Ana Ortega, que inmortalizará a visita nas fermosísimas paisaxes da Ribeira Sacra.

As crianzas que participen tamén terán sorpresa... nuns días desvelarémolo!!