Axuda á curta Arden as Papoulas saír adiante!

Ola :) !

A curtametraxe Arden as Papoulas é o noso traballo de Fin de Grao de Comunicación Audiovisual.

Nela contaremos a historia de Xela e a viaxe que realiza para volver a atoparse a si mesma.

Unha curta escrita, dirixida e producida por mulleres dende unha visión feminista.

A rodaxe será en Ourense, aínda que as localizacións son na súa maioría interiores de casas.

O estilo da curtametraxe será intimista e o xénero o drama. A súa duración estará arredor dos 10 minutos.

As nosas protagonistas son Isolda, estudante de 4º da ESAD e Sira, que a pesar dos seus 8 anos, xa está inmersa no mundo do teatro.

Sobre as recompensas

Estas son as recompensas que ofrecemos pola vosa axuda ao proxecto. Dependendo do rango/flor que escollades levaredes unhas recompensas ou outras.

• Aparición nos títulos de crédito no apartado de agradecementos ou como produtor asociado (dependendo do tipo de flor co que decidas aportar)

• Convite á estrea privada da curtametraxe que será en setembro do 2023 en Santiago de Compostela

• Link de visionado privado da curta en Vimeo

• Pack de pegatinas con deseño orixinal da curta

• Tote bag con deseño orixinal da curta

• Camiseta con deseño orixinal da curta

• Entrada no sorteo dun abono anual do cinema Numax (Santiago de Compostela)

• Libro de man da editorial Xerais ou das Libraría Lila de Lilith ou Komik de Santiago de Compostela

• Debuxo personalizado feito por Eira

Ollo!

Se escolliches Lavanda, Xasmín, Lila ou Orquídea, entra neste formulario para cubrir algúns datos sobre a túa recompensa

Quen está detrás deste proxecto?

Eira Losada: a directora.

O audiovisual lévame gustando dende pequena, sempre me encantou andar cunha cámara. Vexo o mundo a través de imaxes plásticas, así que espero poder plasmar ben a historia que escribimos xuntas.

Gloria T. Cerdeira: a produtora.

Dinme conta ao entrar na carreira que a produción é un mundo no que me gusta traballar, todas estas cousas de organizar e facer o imposible por levar algo adiante. Tamén me gusta moito a música e por iso, xunto con Eira, vou compoñer a banda sonora e pode que algunha canción da que pronto iredes sabendo novas.

Pero non podemos facer todo este traballo nolas dúas soas, así que esta é a nosa equipa:

Sandra, estudante de cine na ECAM, conta co título de técnica superior de fotografía pola Escola de Arte Pablo Picasso, e vai ser a nosa directora de fotografía. Contará coa axuda de Alma e Ximena, estudantes de CAV na USC, que serán as eléctricos na rodaxe.

Arantxa, graduada en CAV, prepárase actualmente como técnica superior en realización de cine e video, e é recoñecida pola dirección da curtametraxe As pétalas murmuran, coa que recibiu diferentes galardóns. Traballará como directora de arte da man de Zaira, estudante de CAV en Santiago, e que terá os roles de axudante de arte e script.

Miguel, graduado de CAV na USC e traballando actualmente como colorista e DIT, é o noso axudante de produción e tamén se encargará da etalonaxe final da curta.

Alberto será o noso técnico de son, estudou son na EAV de Vigo, e actualmente traballa como sonidista de son directo.

Rocío será a encargada da foto fixa e o making off da rodaxe. É fotógrafa de análoxico e dixital e actualmente está estudando realización audiovisual.

Por último, pero non menos importante, Antela será a nosa auxiliar de produción e a encargada dos transportes da equipa pola cidade de Ourense, a cal coñece como a palma da súa man.

A que destinaremos as vosas achegas

Aínda que sexa un traballo académico, precisamos das vosa colaboración para poder cubrir os gastos do aluguer do equipo técnico, os desprazamentos e dietas da equipa e outros posibles gastos derivados da rodaxe.

Calendario previsto

A rodaxe será os días 22 e 23 de abril do 2023. A posprodución realizarémola no mes de maio, xa que ao ser un TFG temos que presentalo en xuño.

A distribución farémola a partir do mes de xullo.

Polo tanto as recompensas chegaranvos a partir de xullo do 2023 (agás o convite a estrea, que seguramente será en setembro 2023)

+ Queres manternos a pista?

Estas son as nosas redes sociais:

• Instagram: @ardenaspapoulas

• Facebook: Arden as Papoulas