❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Música pa tornar páxaros y La Maramoniz de Mapi Quintana

¡Quiero sacar dos discos! Ún cola obra que compuse pa representar a Asturies en Lorient 2022 y otru basáu nos cantares de mio güela.

Mapi Quintana

A project of

Category

Created in

0
seconds
213
Pledges
9.049€
From 8.000€
Contribute to the project

Choose your reward

Support it with a donation

Contribute without a reward
Donate to the project without receiving any reward:

¡MIRÁI QUE RECOMPENSES, HO!


Estes son les cosiquines tan prestoses que podéis llevar si m'echáis un gabitu pa facer realidá esti proyectu.

Música pa tornar páxaros, nun formatu únicu.


Queremos editalu nun formatu mui especial, esclusivu y llimitáu. Asina que si quies tener esta l.locura única na to casa, nun pierdas la oportunidá y sofítame please :)

Esta ye la caxa na que va tar metíu Música pa tornar páxaros
Esta ye la caxa na que va tar metíu Música pa tornar páxaros

Asina ye
Asina ye'l despliegue de Música pa tornar páxaros, qu'inclúi delles postales

La Maramoniz.


El discu de La Maramoniz tien un diseñu más minimalista, tamién enllenu de detalles preciosos. Son palinos y piedres n'equilibriu, como la nuestra música:lo moderno y lo antiguo xuntos sonando a la vez en perfecta armonía.

Llibretu de La Maramoniz, que ye un póster desplegable
Llibretu de La Maramoniz, que ye un póster desplegable

El páxaru verde.


Esti paxarín tán guapu ta presente en tol proyectu y vamos plasmalu nuna camiseta unisex 100% d'algodón orgánicu y nunes lámines feches a mano una a una. Pura artesanía y calidá, ¡señoríes!

Esta ye la camiseta. Elegante y resistente
Esta ye la camiseta. Elegante y resistente

Mapi Quintana X Ringo Rango, Puru Remangu, La Llocura y Mondo Manzana.


Creo (y quiero) muncho a les muyeres qu'emprenden n'Asturies puxando pola nuestra cultura, asina que quixi liales pa esta campaña. Y como son maraviyoses, va haber packs qu'inclúin recompenses d'elles.

El monederu de Ringo Rango, el llibru y la camiseta de Puru Remangu
El monederu de Ringo Rango, el llibru y la camiseta de Puru Remangu

Pendientes y pulsera de Mondo Manzana diseñaos pa Música pa tornar páxaros
Pendientes y pulsera de Mondo Manzana diseñaos pa Música pa tornar páxaros

Too Mapi Quintana.


Esto ye un pack con dellos discos de la mio discografía en solitario y con otra xente, un TooMapi100% que podría tar nes estanteríes de casetes de les gasolineres d'enantes.

![1 discu en solitario y 3 colectivos]

Cuéntotelo too nun charra única.


La golosina de les recompenses ye esta charra del Cómo se fizo Música pa Tornar Páxaros pa grupos de 4 persones. Nella voi falavos durante 2 hores y media de la cronoloxía del proyeutu, el procesu de composición, la elección de los temes tradicionales y los sos arreglos, les lletres y el soníu de la voz. Amás vais marchar pa casa coles partitures de los temes y colos discos.

Partitures de Música pa Tornar Páxaros
Partitures de Música pa Tornar Páxaros

ESTOS SON LOS PROYECTOS


Música pa tornar páxaros.

Ye la obra que'l Gobiernu del Principáu d'Asturies m'encargó pa representar a Asturies na 51 edición del Festival Inceltique de Lorient. Ta dedicada al mio compañeru musical fallecíu en 2019, Elías García y a tola xente que nos dexó nestos últimos años, y musicalmente ta influyía pol jazz, la improvisación, la música impresionista y la música tradicional asturiana. Pues saber más d'ella nesta entrevista y nesta crónica del conciertu que dimos nel Teatru de La Laboral.

Actuación de Música pa tornar páxaros
Actuación de Música pa tornar páxaros

La Maramoniz.

Ye'l mi proyectu musical nuevu xunto a César Latorre, Sonia Cartón y Juanjo Díaz. La materia prima d'estos temes son los cantares que-y sentí a mio güela y qu'ella deprendió n'aldea de La Maramoniz. Tamién hai cantares de composición propia y nellos entemezo la influencia de la tradición asturiana nes melodíes y nes temátiques xunto a estétiques más vanguardistes nos arreglos. Pues saber más nesti artículu o viendo esti videu.

¿POR QUÉ NECESITO TANTES PERRES?


Porque ta la vida mui cara y soi mui probe, fía. Grabar, editar y promocionar los dos discos cuéstame 13.306,37 €. A eso tengo que-y sumar les recompenses del crowdfunding. Vamos, qu'esto ye como una entrada pa un pisu, y como me da palu pedivos 14.000 € pues pídovos 8.000 € y los otros yá veré d'ónde los saco y a ver si con esti Verkami m'ayudáis a empufame lo menos posible.

Desglose de gastos (ensin incluir el coste de les recompenses del Verkami)
Desglose de gastos (ensin incluir el coste de les recompenses del Verkami)

OYE ¿Y ESTO CUÁNDO SAL??


Yá tenemos tola maquinaria encesa y si'l crowdfunding ye exitosu, pues voi poder sacalo too en xunu de 2023. Les vuestres recompenses van llegar neses feches, pa que tengáis el material enantes que naide.

¿QUIÉN TAMOS DETRÁS DE TOO ESTO?


Mapi Quintana.

Soy una cantante y compositora asturiana de les escenes jazz y música tradicional d'Asturies. Si charigas un poco en youtube toparasme en milenta fregaos musicales.

Los músicos.

César Latorre, piano y PT1 Casio de la comunión.

Sonia Cartón, voz y cachivaches con teclaos.

Juanjo Díaz, percusión

María San Miguel, voz y violín

Thomas Welvaadt, trompeta

Arturo Valero, contrabaxu

Haydée G, Isa F y Guti C, Coriquín Paxareru

Les diseñadores.

Marina Durany, fízo unes proyecciones impresionantes pal direutu de Música Pa Tornar Páxaros y nesi trabayu tá inspirau el diseñu del discu.

Leti Baselgas, fizo'l diseñu de La Maramoniz evocando una etapa suya personal minimalista que representa perfectamente la música que facemos nesti grupu (y a mí personalmente tamién).

Otra xente del equipu.

Xicu Ariza, ye l' humanu que tá detrás de musicasturiana y el coordinaor xeneral de la publicación de los dos discos.

¿QUIES CURIOSEAR MÁS?


@mapiquintana
@la_maramoniz
@musicasturiana
www.musicasturiana.com
@mapi.quintanabellon
Facebook Mapi Quintana Música

FAQ

There are none published yet.

Do you have any other queries or questions?

Ask the author

37 comments

If you are already a sponsor, please Log in to comment.

  • NOELIA

    NOELIA

    about 1 year

    Inmensamente feliz de poder ser un granito de arena para que esta maravilla sea realidad !!

  • Idoia Ruiz de Lara

    Idoia Ruiz de Lara

    about 1 year

    Vamosssss!!!!!

  • Cruzyta

    Cruzyta

    about 1 year

    Esperando tus discos y sorpresas

  • Cruzyta

    Cruzyta

    about 1 year

    Suerte Mapi

  • Veronica

    Veronica

    about 1 year

    Nos alegra un montón que lo hayaís conseguido 😊

  • Sara

    Sara

    about 1 year

    La bolla de la madrina aquí está. PD: no me hago responsable de lo que toque traer a mi casa jajajajaja

  • Sara

    Sara

    about 1 year

    El último emburrión de la mama

  • Sara

    Sara

    about 1 year

    Pri, aquí hasta el papa aporta jajaja

  • eliasllanonevares@gmail.com

    [email protected]

    over 1 year

    ¡Ganines de tenelos ena mano ya!

  • Ana García

    Ana García

    over 1 year

    Todo precioso! Difícil escoger... así que pilla dos y así regalas! Que hay que colaborar!! Mapina quierote munnnncho!!!

#01 / GRACIES INFINITES

(AST.)

Queríes/os mecenes.

Gracies a vosotres/os vamos poder tener nes manes estos discos que tamos faciendo con tol amor del mundo.

Ye la primer vez que fago una campaña crowdfunding y nun les tenía toes conmigo... Agora que ya tá algamao, siéntome feliz, mui quería y con muchu puxu pa continuar.

La Maramoniz ya tá en fornu (na fábrica). Música Pa Tornar Páxaros tá terminando de grabase.

En xuno ya van tar preparaos pa entregávoslos xunto colos premios. Diremos poniéndonos en contautu con vosotres/os pa ver cómo vos los facemos llegar.

GRACIES INFINITES.

(CAST.)

Queridas/os mecenas.

Gracias a vosotras/os vamos a poder tener en las manos estos discos que estamos haciendo con todo el amor del mundo.

Es la primera vez que hago una campaña de crowdfunding y no las tenía todas conmigo... Ahora que ya está conseguido, me siento feliz, muy querida y con mucho empuje para continuar.

read more

We use essential cookies to provide our service and third-party cookies to track the usage of the page. Cookie Policy