FRÍO, o novo espectáculo de A FEROZ TEATRO

Frío inspírase liberrimamente na extraordinaria historia de Nikolái Gógol, O abrigo.
É un espectáculo de teatro físico e máscaras con música en directo. Unha fábula máxica que fala do fatum, o desexo e a morte na roda imparable dunha sociedade guiada pola ansia de ter para ser, e de lucir para ser visto.

En Frío os personaxes imaxinados por Gógol transmutan en forzas simbólicas que acompañan o desexo de Akaki e os seus esforzos por logralo.

Que recibiredes as e os mecenas?

Cada unha das vosas achegas é fundamental para que poidamos ofrecer este espectáculo ao público e por iso deseñamos diferentes recompensas coas que queremos que, como mecenas, te sintas partícipe dun proxecto como Frío.

As recompensas están baseadas en tres paquetes: AKAKI, PATRONA e PETROVAS que, segundo o seu importe, poden conter:

a Plaquette Frío (de edición limitada e exemplares numerados con textos, notas e poemas da dramaturga e directora Lorena Conde e as fermosísimas fotografías do proceso de ensaios a cargo do artista Alberto Suárez).

Un convite ao pase especial de Frío para cada mecenas

un lote de produtos Lodeiros (viño, vermú e licor café) valorado en 60€

unha chapa d'A Feroz feita coas nosas propias manciñas.

unha bolsa d'A Feroz para que a enchas co que ti queiras e presumas do teu mecenado.

A Feroz

É unha compañía galega dedicada ás artes vivaas e composta por un grupo de artistas con diversas procedencias, formacións e superpoderes. Se queres saber un pouco máis de cada unha de nós, podes pinchar aquí e curiosear sobre o equipo.

Desde que comezamos a traballar xuntas, aló polo 2017, levamos xa tres espectáculos producidos e en cada un deles puxemos en risco todo: as nosas crenzas, os nosos intereses, a nosa concepción do mundo... para sacar adiante pezas que nos removesen e removesen tamén a quen senta na butaca. Neste enlace podedes coñecer algo máis do noso traballo ate hoxe.

A que destinaremos as vosas achegas

Cada achega que fagades contribuirá á produción de Frío, un espectáculo que está agora mesmo nunha fase inicial de montaxe e queremos estrear no primeiro semestre de 2023. O destino das achegas desta campaña será o financiamento da escenografía, iluminación, vestiario, deseño do espazo sonoro e gastos de xestión derivados da produción da peza.

Calendario previsto

Unha vez finalizada a campaña de mecenado, todas as persoas que fixerades algunha achega recibiredes axiña un correo do departamento de produción d'A Feroz para -ademais de agradecervos a vosa participación, por suposto- solicitarvos os datos de envío das vosas recompensas, informarvos do momento no que as recibiredes (contra finais de marzo) e, a aquelas pesoas que optástedes polo paquete Patrona ou o paquete Petrovas, darvos os datos do pase especial de Frío que realizaremos para todas vós.

+ Info

Facebook
Instagram
YouTube
Soundcloud