A Apalpadora

RECTA FINAL!!!

Boas!! Estamos na recta final do noso proxecto !!

Grazas polo apoio nestas semanas pasadas pero precisamos un ultimo empurrón. Recordade que para nos é fundamental o mecenadgo para facer posible o inicio deste proxecto do Libro-CD da Apalpadora.

Mostrámosvos un video dunha das máxicas cantigas da Apalpadora interpretada en directo, tamén podedes atopar algunhas imaxes dos agasallos das recompensas.

Sabemos que hai xente que prefire aportar en metálico, se fora o voso caso poñedevos en contacto con nos via email ([email protected]) para gardarvos un exemplar do que acordedes mercar.

Mil grazas ¡!

A Apalpadora

Dende fai moitos anos Antía e André viaxan pola nosa Terra achegando un Nadal distinto para as crianzas a través dun contacontos musicado. Un Nadal onde a Apalpadora, unha figura clave da nosa cultura, xorde para transmitir valores como o respeto pola nosa terra, o coidado das nosas costumes e a importancia dunha alimentación sa e sostible.

Neste ano 2022 propoñémonos facer algo máis: mergullarnos no salón das vosas casas, acompañarvos nunha tarde invernal cos máis queridos e queridas e entreter á toda a cativada cun marabilloso conto e un cancioneiro.

Se queredes facer posible este proxecto teredes disponibles todo tipo de recompensas ademáis das cantigas e do libro, unha chea de agasallos que farán máis especial o noso Nadal!

Recompensas

-Conto: Descubre a asombrosa historia da Apalpadora viaxando coas fermosas palabras escritas por Antía e as marabillosas ilustracións elaboradas por Patri, un libro familiar co que poderás mergullarte nas súas máxicas aventuras.

-Cancioneiro: Cantigas e melodías que encherán de cor esta emocionante historia, música infantil para escoitar coas máis pequenas e pequenos da casa. Ademáis inclúe o conto musicado por André e lido pola mismísima Apalpadora!

-Actuación "A Apalpadora": Espectáculo familiar con anos de traxectoria no que, con lendas e cantigas, achegamos ós máis cativos o noso Nadal. Reserva a túa data para recibir a visita da Apalpadora e o seu compañeiro músico André (entre 50 e 60 min. de duración).

-Postais de Nadal: Un conxunto de 4 postais que ambientarán o Nadal con persoaxes e paraxes que acompañan á Apalpadora durante as súas viaxes.

-Ió-ió: Amosamos esta recompensa como representación dos famosos xoguetes tradicionais de madeira feitos pola mismísima Apalpadora.

-Bolsa de tea: Un agasallo que sempre será práctico no noso fogar, o substituto moderno dos nosos extintos cestos de mimbre que servirán dende para ir ó mercado ata para recoller castañas!

Quen somos

Son Antía, profesional do ámbito educativo e lúdico infantil. Fundadora de Velaisca, pandigueira e recolectora profesional de castañas.

Son André, compositor especializado en medios audiovisuais. Intérprete e docente, as miñas cantigas tinguirán de verde os vosos fogares.

A que destinaremos as vosas achegas

Grazas ás vosas aportacións, realizaremos a financiación parcial dos productos e recompensas sinaladas anteriormente.

Se ben contamos con moita ilusión e traballo pola nosa parte, faise fundamental promocionar e tratar de achegar este proxecto a máis xente.

Calendario previsto

As recompensas estarán disponibles aproximadamente nun mes dende o remate e consecución da campaña. Éstas enviaranse o máis axiña posible, a tempo para a tempada de Nadal.

Se tedes algunha dúbida podedes contactar con nós a través desta plataforma.

+ Info

Facebook

Vídeo

Velaísca

Instagram