¡Echa al Trasgu! El xuegu de la mitoloxía asturiana
La Xana, el Cuélebre, el Nuberu o'l Busgosu, escueyi cual va ser el to personaxe y consigui axuntar toles cartes del so Llar pa ganar la partida. El Trasgu trastiará pa nun dexati ganar y si se mete nel to Llar tendrás qu'echalu de dalguna de les maneres de les que siempre los asturianos y asturianes pudieron echar a los trasgos de casa. La Guaxa, La Güestia, el Papón, el Güercu, los Malinos o'l Pesadiellu podrán cruzase nel to camín pa ponételo dificil. El Patarico, la Moura, l'Home Marín y el Diañu Burllón tamién aparecerán p'ayudate, o non... y La Cigua, ¡guardala cuando apareza por si la pues necesitar!
Queremos facer un xuegu de cartes basáu na mitoloxía asturiana, infantil y pa tola familia. Un xuegu de 68 cartes, rápidu, dinámicu y divertidu.
¿Cómo se xuega?
El xuegu tien 24 cartes de Llar y 48 cartes de xuegu, con tamaños distintos y colocaes en dos mazos. Tres escoyer el ser col que vas xugar, el xuegu consiste n'axuntar les cartes que formen el Llar del to ser, ganando quien primero les consiga. Pero entemedies puede aparecete'l Trasgu y metésete en casa y tendrás qu'echalu, pueden aparecete dalgunos seres que te faigan perder cartes o La Cigua, que va valite d'amuletu pa protexete d'ellos, o otros seres que puede que t'ayuden o non...
¿Qué ye Acuto Xuegos?
Acuto Xuegos ye una iniciativa qu'entamó n'abril de 2019 pa la creación de xuegos y xuguetes n'asturianu. Dende entós a güei tenemos espublizaos 5 xuegos n'asturianu, tres d'ello escosaos, unu n'eonaviegu y otros dos en gallegu.
Esta ye la cuarta campaña de mecenalgu que facemos. Primero d'esta ficimos dos campañes pa espublizar dos de los nuesos xuegos en gallegu y otra pa espublizar el ¿Cuála ye? El Xuegu de Preguntes d'Asturies, un xuegu trivial d'Asturies y n'asturianu. Más info de les otres campañes:
vkm.is/xogodasparellas
vkm.is/dominodeanimais
vkm.is/cualaye
¿A qué vamos dedicar la financiación?
Col 70% de la recaudación del Crowdfunding queremos financiar la edición y espublización del xuegu, el 22% de la financiación ye pa los gastos d'unvíu en Correos y el 8% que queda pa la comisión de Verkami pol usu la so plataforma.
¿Cómo y cuando ye la entrega?
Si sal alantre la campaña, el xuegu cuntamos facévoslo llegar a casa por Correos ente los meses d'ochobre y payares. Tamién vas poder recoyelo en:
Puru Remangu, en Xixón
Llibrería Trabe, n'Uviéu.
Olmar Regalos, n'Avilés.
Xuguetería Decalupa, en Mieres.
Xuguetería La Xirafa, en Ribeseya.
Copistería La Semeya, en Noreña.
+ Info
Facebook: Acuto Xuegos
Instagram: @acuto_xuegos
Twitter: @AcutoX
Gmail: [email protected]
14 comments
If you are already a sponsor, please Log in to comment.
Acuto Xuegos
Author
iloveteatro, Nachete y May Mami, os estos muy agradecidos 🙂
May Mami
😁😁😁 Ya tenemos el nuestro
Nachete VB Gamer
Ya estoy por aqui también como mecenas, mucha suerte con la campaña
iloveteatro
Enhorabuena por preservar la historia de un lugar de una manera tan lúdica. Es importante no olvidar la historia pues somos descendientes de ella. Un mecenas más que se une a vuestro proyecto y estaré pendiente a los que puedan llegar por parte de ustedes. Un abrazo
Acuto Xuegos
Author
Moltes gràcies Ponrosa! Podéis contar con nuestro apoyo para el Pispa Lletres 😉
ponsrosa
Proyectos como el vuestro son fantásticos. ¡Un abrazo desde Catalunya! Y os animamos a patrocinar Pispa Lletres, el primer juego multilingüe.
Acuto Xuegos
Author
Gracias por tu comentario, Pablo. Y gracias también a ti por colaborar para que se puedan publicar estos materiales.
Pablo Cuesta
Muchas gracias por apostar por la cultura y tradición asturiana
Acuto Xuegos
Author
Moltes gràcies Josep!
Josep
Bona iniciativa i puxa Asturies