❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

¿Cuála ye? El xuegu de preguntes d'Asturies

Tamos faciendo un xuegu de preguntes p'adultos d'Asturies y n'asturianu. Tableru, fiches, dau y cientos de preguntes ¿ayúdesnos a facelo?

Acuto Xuegos

A project of

Category

Created in

0
seconds
169
Patron
7.021€
From 4.500€
Contribute to the project

¿Cuála ye?

¿Cuála ye? El xuegu de preguntes d'Asturies ye un xuegu de mesa de la mesma categoría que'l Trivial o Preguntados. Nel desarrollu del xuegu nel tableru y a lo llargu de cientos de preguntes en 6 temátiques diferentes, puedes poner a preba los tos conocimientos sobre Asturies en tolos ámbetos.

Tolos idiomes tienen el so xuegu y agora tócanos a nós, los y les asturianes, facer el nuestru ¿ayúdesnos?

Queremos facer un xuegu de conocimientu qu'empodere Asturies, la nuestra historia, cultura, llingua, sociedá, el nuestru mediu natural. Un xuegu qu'al empar de pa divertise valga pa deprender y divulgar tola riqueza d'Asturies. Les 6 estayes del xuegu son: Historia, Cultura, Llingua y Lliteratura, Xeografía y Conceyos, Ciencia y Naturaleza y Deportes y Entretenimientu.

Tarxeta de preguntes, les rimpuestes tan na parte d
Tarxeta de preguntes, les rimpuestes tan na parte d'atrás

¿Quién collabora con Acuto pa facer el xuegu?

Quisimos cuntar con persones con fondos conocimientos en dellos ámbetos sobre Asturies. Collaboren nes preguntes: Bertu Ordiales, biólogu y escritor, autor de llibros sobre naturaleza asturiana; Bertu Peña, etnógrafu, illustrador ya historiador, autor d'incontables estudios y llibros sobre la cultura asturiana; Dani García de la Cuesta, músicu ya investigador de la música asturiana; Laura Marcos, profesora, escritora y crítica lliteraria; Julio González Trabanco, filólogu y llibreru; Rafa R. Valdés, historiador, investigador y especialista en llingua asturiana; Rubén Magadán Cosío, historiador ya investigador; Victor Suárez, profesor y activista, ún de los que puxa pola Wikipedia n'asturianu; SEMA, Sociedá Etnomotora Asturiana, entidá que tien estudiao con fondura'l xuegu y deporte asturianu.

¿Imaxines tener tol conocimientu d'estes persones nun xuegu de preguntes sobre Asturies?

¿Qué ye Acuto Xuegos?

Acuto Xuegos ye una iniciativa qu'entamó n'abril de 2019 pa la creación de xuegos y xuguetes n'asturianu. Dende entós a güei tenemos espublizaos 4 xuegos n'asturianu, dos d'ellos agotaos, unu n'eonaviegu y otru, a traviés d'otra campaña de mecenalgu, en gallegu.

Neños xugando al Dominó d
Neños xugando al Dominó d'Animales d'Asturies

¿Cómo ye'l xuegu? El xuegu base tien:

  • Tableru de xuegu de 48x48 cm

  • 600 preguntes en 100 tarxetes, ¡pero queremos que seyan más si va bien la campaña!

  • 24 fiches d'aciertu

  • Dau y peones de xugadores

¿A qué vamos dedicar la recaudación?

Cola recaudación del Crowdfunding financiamos solo en parte la edición y publicación del xuegu, queremos cubrir un 70% de los costes del xuegu, amás hai que sumar los gastos d'unvíu en correos o los de recoyida nes tiendes y la comisión de Verkami por usar la so plataforma, que supera'l 8%.

¿Cómo y cuándo ye la entrega?

Puedes escoyer ente dos tipos d'entrega: con recoyida o con unvíu a domiciliu dientro de península. Queremos facilitar la entrega y qu'aforréis los gastos d'unvíu, si quies puedes recoyer el vuestru ¿Cuála ye? en Llibrería Trabe d'Uviéu, Llibrería La Buena Letra de Xixón, Olmar Regalos d'Avilés, Xuguetería Decalupa de Mieres, Xuguetería Muniama de Cagues, Xuguetería La Jirafa de Ribeseya y Copistería La Semeya de Noreña.

Pa otros unvíos a fuera de la península dexa un comentariu o mándanos un mensaxe.

Si sal alantre la campaña, el xuegu entregarémoslo ente ochobre y payares d'esti añu.

+ Info

Facebook: Acuto Xuegos

Instagram: @acuto_xuegos

Twitter: @AcutoX

Gmail: acutoxuegos@gmail.com

FAQ

There are none published yet.

Do you have any other queries or questions?

14 comments

If you are already a sponsor, please Log in to comment.

  • Acuto Xuegos

    Acuto Xuegos
    Author

    about 1 months

    Gracies María, queda apuntáu. Cuando fine la campaña va pasase un cuestionariu a los mecenes pa pidir los sos datos :)

  • María EM

    María EM

    about 1 months

    Prestaríanos apaecer como mecenes d'esta manera: María E. Marqués y Rafa R. Valdés.

  • Acuto Xuegos

    Acuto Xuegos
    Author

    about 1 months

    Munches gracies Manolín! Apuntámos lo que nos dices :)

  • Manolín d'El Xastre

    Manolín d'El Xastre

    about 1 months

    ¡Norabona pola iniciativa! Nun taría mal poder tener tamién una versión na variante oucidental del asturianu, d'ésti ya d'outros proyeutos.

  • Acuto Xuegos

    Acuto Xuegos
    Author

    about 1 months

    Gracies Pachi, gracies Belar!

    Valoramos tolo que nos comentes Belar, y vimos meyor facelo d'esta. Ya desplicaremos más nel desdendolcu de la campaña ;)

  • Belar

    Belar

    about 1 months

    Cómo nun escoyistis la pallabra entruga? Dába-y más personalidá, y amás ye la preferencial del DALLA. Prestaba tamién que foren entrugues xenériques y non solo d'Asturies. Pero bono, siempres habrá tiempu pa ediciones nueves si tien éxitu'l proyeutu. P'alantre!

  • Francisco Gutierrez Fernandez (Pachi)

    Francisco Gutierrez Fernandez (Pachi)

    about 2 months

    Anímosvos a participar nesti proyeutu

  • Acuto Xuegos

    Acuto Xuegos
    Author

    about 2 months

    Munches gracies Maria Luz y gracies a ti Paz! :)

  • Maria Luz Santos

    Maria Luz Santos

    about 2 months

    Ánimu y p’alantre

  • Paz García

    Paz García

    about 2 months

    Gracies

#13 / ¡OTRU OXETIVU FECHU!

¡Munchísimes gracies! Ente toos consiguimos que'l xuegu que vamos tener seya mayor, algamamos la financiación suficiente pa que pueda tener 750 preguntes y tamos a solo 18 unidaes de que'l xuegu que vais tener pueda tener 800 preguntes ¿Ayudáisnos a dir por ello moviéndolo ente la xente? Tenemos hasta'l domingu a les 10.30 hores.

#12 / ¡Queden 3 díes!

Queden 3 díes de campaña de crowdfunding. Si quies collaborar y tovía nun lo ficiste tienes hasta les 10.30 hores del domingu pa facete col to exemplar del ¿Cuála ye? y asina tamién aparecer nes llistáu de collaboradores que ficieron posible'l trivial n'asturianu.

En cuantos a les metes, nestos momentos tamos a sólo 6 unidaes d'algamar la financiación pa que'l ¿Cuála ye? tenga 750 preguntes.

#11 / ¡SEGUNDO OXETIVU ALGAMÁU Y QUEDEN 4 DÍES!

¡¡Munches gracies!! Ente toos consiguimos financiación suficiente pa que'l ¿Cuála ye? tenga 700 preguntes.

¿Y agora? Agora siguimos, axustamos los oxetivos pa ver si algamamos financiación pal siguiente oxetivu de 750 preguntes. Nestos momentos faltaríen sólo 11 unidaes del ¿Cuála ye? p'algamalo ¡y queden 4 díes!

#10 / Entramos na última selmana

Faise mui difícil nuna situación como esta facer promoción de nada. El coronavirus cruzóse nes nuestra vides y a nós pillónos na metá d'esta campaña.

Entramos güei na última selmana. Por suerte, too esto pillónos col primer oxetivu algamáu, pena ye que nun pudieramos desendolcar la campaña pa que'l xuegu fuera dalgo más grande, pero nin la situación nin los nuestros ánimos taben pa facer promoción d'ello.

Queremos acabar la campaña de la meyor manera posible, porque'l coronavirús desaparecerá y nós siguiremos.

¡Ánimu a toos y toes!

#09 / ¡SIGUIMOS! ¿Quies ver como va ser el tableru del Cuála ye?

El coronavirus ta faciendo que les nuestres vides tengan un parón y a nós pillónos na metá de la campaña de crowdfunding pa facer el primer xuegu de mesa p'aldultos n'asturianu Pero nosotros SIGUIMOS porque pensamos que tamos faciendo dalgo mui guapu y qu'empondera Asturies, la nuestra cultura, historia, naturaleza, llingua.

¿Quiés saber como va ser el tableru del Cuála ye? Queríamos facelo d'otra manera y enseñavos impresa una versión del tableru que fuera casi la definitiva, pero les circunstancies son les que son y pilláronnos con sólo impresa la primer versión de la cadarma del tableru, ello quier dicir, sobre esta imaxe tovía se tan faciendo axustes, cambios y añadíos.

Préstanos presentavos, a tamañu rial, un prototipu en papel de la cadarma del tableru, xuntu con tableru de Trivial pa que podáis comparar. Reparái en que ye un prototipu en papel, el tableru va ser del mesmo grosor y material que los demás xuegos de la so familia.

read more

#08 / 💜¡LLEGAMOS LA METÁ DE LA CAMPAÑA!💛

⭐️¡Llegamos a la metá de la campaña de mecenalgu! ⭐️

Tamos nel día 20 de la campaña del crowdfunding del ¿Cuála ye? y queden otros tantos y la cosa va xenial. El proyectu ta financiáu dende'l día 9 de campaña ❤️ y tamos con nuevos oxetivos que vais ser vosotros los que decidáis si s'algamen o non.

Llevamos 140 unidaes del ¿Cuála ye? vendíes nestos 20 díes de campaña. Tamos a 13 unidaes más d'algamar que'l xuegu tenga 700 preguntes y algamáu esi oxetivu taríemos a sólo otres 37 unidaes de poder facer el xuegu con 800 preguntes ¿vamos por ello? 💪

Queremos facer dalgo grande, qu'empondere Asturies, la nuestra historia, la nuestra cultura, la nuestra llingua, la nuestra naturaleza, y pa too ello quisimos arrodianos de persones que nos ayudaren a algamar esti oxetivu. El momentu d'ello ye agora, quédennos estos 20 díes pa facer qu'esti xuegu que vais tener seya más grande.

#07 / Nueva recompensa sólo pa mecenes

Tenemos una nueva recompensa diríxida sólo a los mecenes del ¿Cuála ye?. Si queréis, podréis consiguir el Rompecabeces de les Ayalgues Asturianes a un preciu mui especial, como agradecimientu al vuestru sofitu.

#06 / ¡Primer oxetivu algamáu! ¡munches gracies! y nuevos oxetivos

¡Ficístislo posible en 9 díes! El ¿Cuála ye? ya ye una rialidá ¡milenta gracies!

¿La cosa acaba equí? ¡NON!

¿Y agora? Agora siguimos a pol segundo oxetivu. Tenemos la versión básica del xuegu con 600 preguntes y sigún vayamos consiguiendo mayor financiación podremos dir metiendo más tarxetes con más preguntes al xuegu. El nuevu oxetivu ye llegar a los 6.000€ de recaudación pa que'l ¿Cuála ye? pueda tener 700 preguntes, nestos momentos solo quedaríen 30 unidaes del xuegu pa llegar a esti oxetivu ¡y queden 30 díes de campaña!

Si tovía nun collaborastis nun lo dubiéis, dempués de la campaña del crowdfunding el preciu del ¿Cuála ye? sedrá mayor.

¿Vamos por ello?

#05 / Sofitar al ¿Cuála ye? nun se solo sofitar un xuegu.

Sofitar ¿Cuála ye? nun ye namás sofitar un xuegu.

Sofitar al ¿Cuála ye? ye tamién sofitar un proyectu que quier emponderar Asturies y facer una pequeña aportación a la dignificación y normalización del asturianu.

Y tamién ye más. Ye sofitar a emprendedores asturianos, y non solo a Acuto: ye sofitar a quien fai coses n'asturianu, al diseñador asturianu encargáu d'esta llabor, a quien fairá la igua llingüística, a la empresa asturiana que produz el vidiu de la campaña, al pequeñu comerciu asturianu que distribuirá y venderá'l ¿Cuála ye?.

Y sofitar al ¿Cuála ye? ye tamién abrir un camín pa qu'otres persones que vengan detrás con otres idegues vean que si se puede facer y producir n'asturianu.

Si quieres collaborar y tovía nun lo ficiste, nun lo dubies 🙂

#04 / 💜¡LLEGAMOS AL 80% DEL OXETIVU!💛

Llegamos al 80% del oxetivu pa facer posible la publicación del ¿Cuála ye? ¡La cosa va xenial!

En cuantes lleguemos a esti primer oxetivu falarémosvos de nueves metes qu'ameyoren el xuegu 😉.

¡Munches gracies pol vuestru sofitu!

#03 / 💜¡SUPERAMOS EL 70%! ¡NUEVOS DESCUENTOS GÜEI!💚

💜¡SUPERAMOS EL 70% EN 48 HORES!💚

Tamos en más d'un 70% del primer oxetivu pa facer posible'l ¿Cuála ye?. Préstanos muncho la bona acoyida que-y distis al proyectu y por ello vamos poner nuevos descuentos durante 24 hores más p'agradecévoslo a les persones que tais sofitándonos dende l'entamu 🙂

#02 / ¡¡Más del 50% nes primeres 24 hores!!

¡Munches gracies pola vuestra rimpuesta! Cuando van facese les primeres 24 hores de campaña ya tenemos más del 50% de la recaudación necesaria pa facer posible'l ¿Cuála ye? El Xuegu de preguntes d'Asturies.

Si tovía nun lo ficistis, queden otres 24 hores pa que podáis aprovechar los descuentos.

4€
6 backers
Rompecabeces Ayalgues Asturianes (sólo pa mecenes)

Una recompensa especial sólo pa les persones que seyan mecenes del ¿Cuála ye?. Podréis consiguir el nuestru Rompecabeces de les Ayalgues Asturianes, col unvíu incluyíu, a un preciu mui especial.

Estimated delivery April 2020
5€
4 backers
Quiero sofitar al ¿Cuála ye?

Llote
Llote

¿Quieres sofitar el ¿Cuála ye? ensin necesidá de mercar el xuegu o quieres seguir sofitándolo si ya lo ficiste?. Puedes escoyer esta recompensa. Sortiaránse dos llotes con tolos xuegos que tien espublizaos Acuto hasta la fecha ente los mecenes d'esta recompensa. Consigues:

  • Sofitar al ¿Cuála ye?

  • Aparecer nel llistáu de mecenes, si nun nos dices lo contrariu.

  • Entrarás nun sortéu de dos llotes de xuegos d'Acuto, cada llote tien: 1 Dominó d'Animales d'Asturies, 1 Xuegu de les Pareyes (yá escosáu), 1 Rompecabeces de les Estaciones del Añu (yá escosáu), 1 Rompecabeces de les Ayalgues Asturianes y 1 Xogo das Parexas (versión eonaviega del Xuegu de les Pareyes).

Estimated delivery April 2020
40€
43 backers
Faite col to exemplar del ¿Cuála ye? (con recoyida en tienda)

Collabora col proyectu y faite col to exemplar del ¿Cuála ye? recoyéndolo nun puntu d'entrega en Xixón, Uviéu, Avilés, Mieres, Cangues, Ribeseya o Noreña.

Con esta recompensa tienes:

  • Un exemplar del ¿Cuála ye? con recoyida

  • Aparecerás na llista de mecenes, si nun nos dices lo contrariu.

Estimated delivery November 2020
45€
20 backers
Faite col to exemplar del ¿Cuála ye? con unvíu

Faite col to exemplar del ¿Cuála ye?

Con esta recompensa tienes:

  • Una unidá del xuegu con unvíu a domiciliu dientro de la península

  • Aparecerás na llista de mecenes, si nun nos dices lo contrariu.

Estimated delivery November 2020
77€
3 backers
2 exemplares del ¿Cuála ye? (con recoyida en tienda)

Si quieres 2 exemplares del ¿Cuála ye? puedes conseguilos a meyor preciu nesta recompensa:

  • 2 exemplares del ¿Cuála ye? con recoyida.

  • Aparecerás na llista de mecenes, a nun ser que nos digas lo contrariu.

Estimated delivery November 2020
87€
0 backers
2 exemplares del ¿Cuála ye? con unvíu

Con esta recompensa consiguirás:

  • Dos exemplares del ¿Cuála ye? con unvíu al to domiciliu

  • Aparecererás na llista de mecenes, a nun ser que nos digas lo contrariu.

Estimated delivery November 2020
170€
2 left (of 5)
5 exemplares del ¿Cuála ye?

Nesta recompensa conseguirás 5 exemplares del ¿Cuála ye? a un meyor preciu:

  • 5 Exemplares con entrega en manu dientro d'Asturies

  • Agradecimientu especial, a nun ser que nos digas lo contrariu.

Estimated delivery November 2020
35€
7 patrons (sold out)
¿Cuála ye? al meyor preciu pa les 5 primeres persones (con recoyida)

¡Les primeres 5 persones en collaborar consiguirán el so ¿Cuála ye? a un meyor preciu! Con esta recompensa:

  • ¿Cuála ye? con recoyida

  • Aparecerás na llista de mecenes, si nun nos dices lo contrariu.

Estimated delivery November 2020
37€
54 patrons (sold out)
Un exemplar del ¿Cuála ye? con descuentu les primeres 48 hores (con recoyida)

Consigue'l to exemplar del ¿Cuála ye? con descuentu si faes la to aportación nes primeres 48 hores.

Con esta recompensa tienes:

  • 1 exemplar del ¿Cuála ye? con descuentu y con recoyida

  • Aparecerás na llista de mecenes, si nun nos dices lo contrariu.

Estimated delivery November 2020
39€
6 patrons (sold out)
Un exemplar del ¿Cuála ye? con descuentu güei día 20 (con recoyida)

Pola bona acoyida del proyectu, allargamos un día más la oportunidá de collaborar con meyor preciu y ponemos nuevos descuentos d'entamu de campaña. Durante 24 hores más, güei día 20 de febreru.

Con esta recompensa tienes:

  • 1 exemplar del ¿Cuála ye? con descuentu y con recoyida

  • Aparecerás na llista de mecenes, si nun nos dices lo contrariu.

Estimated delivery November 2020
42€
14 patrons (sold out)
Un exemplar del ¿Cuála ye? con descuentu les primeres 48 hores (con unvíu)

Consigue'l to exemplar del ¿Cuála ye? con descuentu si faes la to aportación nes primeres 48 hores con unvíu a domiciliu dientro de la península.

Con esta recompensa tienes:

  • 1 exemplar del ¿Cuála ye? con descuentu y unvíu dientro de la península

  • Aparecerás na llista de mecenes, si nun nos dices lo contrariu.

Estimated delivery November 2020
44€
4 patrons (sold out)
Un exemplar del ¿Cuála ye? con descuentu güei día 20 (con unvíu)

Pola bona acoyida del proyectu, allargamos un día más la oportunidá de collaborar con meyor preciu y ponemos nuevos descuentos d'entamu de campaña. Durante 24 hores más, güei día 20 de febreru.

Con esta recompensa tienes:

  • 1 exemplar del ¿Cuála ye? con descuentu y con unvíu

  • Aparecerás na llista de mecenes, si nun nos dices lo contrariu.

Estimated delivery November 2020
73€
3 patrons (sold out)
Dos exemplares del ¿Cuála ye? con descuentu nes primeres 48 hores (recoyida en tienda)

Consigue dos exemplares del ¿Cuála ye? con descuentu nes primeres 48 hores escoyendo esta recompensa.

  • 2 exemplares del ¿Cuála ye? con descuentu y recoyida.

  • Aparecerás na llista de mecenes, si nun nos dices lo contrariu.

Estimated delivery November 2020
78€
2 patrons (sold out)
Dos exemplares del ¿Cuála ye? con descuentu nes primeres 48 hores (con unvíu)

Con esta recompensa tienes:

  • Dos exemplares del ¿Cuala ye? con descuentu y unvíu.

  • Aparecerás na llista de mecenes, a nun se que nos digas lo contrariu.

Estimated delivery November 2020
Cookies help us to offer you the best experience. Settings