EntreSoños, baile tradicional galego no marco da danza contemporánea.

EntreSoños é unha obra de baile e música tradicional galega de 70 min de duración, cun elenco artístico de 3 bailadores: Fran Sieira, Aida Tarrío e Xisco Feijoó (tanto Aida como Xisco compaxinarán a súa laboura de bailaríns coa de cantantes de música tradicional nesta obra), ao son da música do compositor e músico multidisciplinar Anxo Pintos, todo isto dentro dun marco escénico diseñado por Vanesa Hernánez (DiiVant), un deseño de iluminación de Luis Perdiguero, cun vestiario diseñado por Alessio Meloni e dende unha visión de danza contemporánea a través dos ollos do codirector artístico David Vilariño (bailarín contemporáneo e coreógrafo de Vilarinyo dance company).

Sobre a compañía

Fran Sieira, compañía de danza xurde pola inquietude de seu director por dar un paso máis na súa carreira artística despois de 14 anos coma mestre de baile e música tradicional galega en diferentes agrupacións folclóricas de toda Galicia; de percorrer aldeas en busca de novos pasos e melodías a través de informantes de avanzada idade para completar a súa madurez como bailador; bailando en compañías nacionais como GS21, Quique Peón Cía e Nova Galega de Danza e dirixindo agrupacións cun recoñecido prestixio, levando a cabo a través delas espectáculos de baile e música tradicional, enchendo teatros do nome do Teatro A Fundación de Vigo ou o mesmo Auditorio Mar de Vigo.

A compañía baséa o seu traballo no baile e música tradicional, utilizando o folclore galego como ferramenta de expresión, pero innovando na representación dos bailes propios como a muiñeira ou a xota; estudando o movemento a través da danza galega e falando a través dela.

Podes coñecer a traxectoria de cada integrante deste espectáculo na web de Fran Sieira, compañía de danza.

A que destinaremos as vosas achegas

Emprender un proxecto profesional nas artes escénicas non é doado, pero particularmente no mundo da danza é especialmente duro. Por iso precisamos da vosa axuda, para financiar parte dos gastos xerados pola contratación dos bailaríns, o deseño de escenografía e a súa producción, o deseño de luces, o vestiario, a composición musical, etc.

Como calquera proxecto profesional, realizouse unha previsión de tesourería que depende en grande parte das contratacións de actuacións e da asistencia do público aos teatros; isto fai que o factor de incertidume pese moito na supervivencia do proxecto. Poder contar co apoio do público antes da estrea supón un respaldo e unha importantísima aportación de tranquilidade que nos permite adicarnos a faceta creativa sen a pesadume de ter a xestión económica sempre na mente.

Calendario previsto

As recompensas que consistan en entradas para ver o espectáculo entregaranse na propia billetería do teatro. Previamente se contactará co/ca mecenas para que escolla se quere asistir á estrea o 28 de abril en Noia (A Coruña) ou o 6 de maio en Ponteareas (Pontevedra); así como que data de ensaio quere asistir, se é o caso. O merchandising vinculado as recompensas de entradas entregarase na data que asistan coma espectadores.

Para as "Master Class" contactarase con antelación suficiente para acordar a data de realización. Se fose anterior a algunha representación, na propia master class entregaranse as entradas. Se a master class fose posterior, ás entradas se recollerán na billetería do teatro.

Os mecenazgos de prata e ouro terán unha promoción cosntante durante a vida do espectáculo, empregando para a difusión do patrocinio todos os medios disponibles pola compañía: web, redes sociais, notas de prensa, etc. As entradas vinculadas a estes mecezagos prata e ouro estarán a disposición dos patrocinadores nas billeterías de calquera teatro ou auditorio na que se represente EntreSoños no 2018 e no 2019.

+ Info

Podes coñecer o día a día da compañía en:

Web - fransieira.com

Facebook - facebook.com/FranSieiraDanza