❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Abriendo Espaciu! Pa la creación del Llar La Llegra n'Uviéu (Asturies)

Proyectu pa la creación y la financiación de les obres del Llar La Llegra, un centru social y cultural n'Uviéu del ámbito de la izquierda soberanista asturiana. Ye la continuación del desapaecíu Espaciu La Llegra, llocal que teníemos dientro del CSOA La Madreña enantes de que lu desagospiaren.

La Llegra

A project of

Category

Created in

0
seconds
138
Patron
4.215€
From 3.000€
Contribute to the project
View project in Galego, Euskara, Català and Castellano

Pa la creación del Llar La Llegra n'Uviéu (Asturies)

La Llegra nació en febreru de 2014 dientro del CSOA La Madreña col oxetivu de convertise nun llugar pal alderique y l’acción a comuña de la izquierda soberanista asturiana. Tres dellos meses de xenerar idees y desendolcar propuestes, d’axuntar sensibilidaes, d’interrellacionanos con otres persones y colectivos… aportó la especulación y mandó parar.

La llóxica vertical, homoxeneizadora, neolliberal y patriarcal impúnxose a la nuestra propuesta colectiva, al nuestru modelu horizontal de construyir rellaciones humanes, cultura y ociu pa toes aquelles que nun queremos baillar al so son. Desagospiaron el CSOA La Madreña en xunu. Pero suel dicise que los suaños nun se puen desagospiar; por eso La Llegra va abriendo espaciu.

Queremos siguir teniendo un llar autoxestionáu n’Uviéu. Un puntu d’alcuentru nel que xenerar alderique, discursu y trabayu colectivu; nel que visibilizar y normalizar a la izquierda soberanista asturiana: plural y abiertu a otros movimientos sociales y culturales; participativu y xestionáu horizontalmente ente toles persones que quieran formar parte d’él.

Queremos tresformar Asturies; y que’l Llar La Llegra seya una semiente que faiga pol cambiu políticu, social y económicu que necesitamos pal futuru del nuestru país y pa construyir otru mundu posible.

¿Qué vamos facer nel Llar La Llegra?

N’Uviéu, na cai Postigu Baxu 40, va asitiase’l llocal de La Llegra. Un espaciu que nagua por ser:

Un puntu d’alcuentru ente toles persones y organizaciones que formen parte de la izquierda soberanista asturiana.

Un espaciu d’alderique, de xeneración de discursu, de trabayu colectivu.

Un llocal participativu, xestionáu horizontalmente ente les persones que quieran formar parte d’él.

Un espaciu plural; abiertu a xente d’otros movimientos sociales, culturales y políticos del ámbitu de la izquierda y del asturianismu cultural.

Un escaparate col que normalizar y da-y visibilidá a la izquierda soberanista asturiana.

Un llugar pa la dinamización social nel que desendolcar charres, conciertos, talleres, proyecciones, xintes…

Un llar d’ociu y socialización, de construyir rellaciones horizontales ente les persones qu’entren nél a echar un bon ratu.

Un llocal col que rellacionanos col vecindariu y nel qu’empobinar iniciatives pal barriu que se reflexen na construcción d’un modelu de ciudá más participativu y popular.

Un sitiu nel que potenciar la industria cultural asturiana al traviés de la venta de llibros y discos; amás de distribuir materiales de colectivos sociales asturianos.

Un espaciu pa construyir soberanía alimentaria dándo-y puxu al consumu de productos ecolóxicos producíos nel país.

¿Pa qué necesitamos el vuestru sofitu?

Yá tenemos el llocal, tenemos les idees, tenemos les ganes. Agora namás necesitamos el to sofitu y que nos ayudes a qu’esti espaciu seya vidable económicamente. ¿Échesnos un gabitu? Necesitamos axeitar l’espaciu, por eso queremos algamar los 3000 euros colos que face-y frente al presupuestu d'obra:
Llicencia d’obra: 350€
Permisos: 200€
Documentación técnica y planimetría:150€
Demolición + medios auxiliares: 400€
Remates d'alcuentros en suelos y techu: 200€
Pieslle metálicu: 500€
Pintura y otros materiales: 350€
Instalación llétrica: 1000€
TOTAL: 3000€

Calendariu aproximáu

Les obres van entamar en cuantes arranque'l crowdfunding. Con nuevos sofitos, podremos dir avanzando n'axeitar el Llar La Llegra. Cuntamos con que tol procesu de acabación enantes del 31 d'avientu de 2014.

Alrodiu les recompenses

Les recompenses van preparase en cuantes acaben los 40 díes del crowdfunding. Van entregase de dos formes:
- Unvíos a les direcciones postales que queráis (asumimos nós los costes)
- Nuna folixa na que les entregaremos personalmente a tola xente que s'avere a por elles. Amás, vamos convidamos a una si venís esi día por ello.

¿Quién somos y qué ficimos hasta agora?

La Llegra nació como un espaciu dientro del CSOA La Madreña d’Uviéu col oxetivu de llegar a ser un puntu d’alcuentru y llugar d’alderique pa la esquierda soberanista asturiana, caracterizada históricamente pola división ente les distintes corrientes y les dificultaes pa conectar cola sociedá. Mentanto duró l’espaciu dientro de La Madreña, desendolcamos les siguientes actividaes.

  • Folixa/presentación del Espaciu La Llegra

  • Charra sobre soberanía enerxética y proyección de “Cenizas del cielo”

  • Collaboración con Ixuxú Asturies-Euskal Herria elkartea nel so primer aniversariu

  • Proyección del documental “Whore’s glory”

  • Presentación del llibru “La huerta ecológica asturiana”

  • Alderique sobre soberanía alimentaria y proyección del curtiu “Tiempu de medrar”

  • Conciertu del Día les Lletres Asturianes con Vrienden y La Kuruxa 2.0

  • Convocatoria de concentración (prohibida por Delegación de Gobiernu) n’alcordanza a los fechos del 25 de mayu de 1808

En xunu una orden xudicial desagospia’l CSOA La Madreña, pero les persones y colectivos que participamos en La Llegra siguimos cola nuestra actividá. Nestos meses tuvimos, sacando alantre una bayura d’actividaes y debatiendo cuestiones que nos esmolecen. Dalgunes d’elles son:

  • Parrillada popular en Noreña

  • Organización de la manifestación y de los actos unitarios del 8 setiembre

  • Edición de pañuelos por unes fiestes
    populares en San Mateo 2014

  • Charra alrodiu’l referéndum d’independencia n’Escocia y folixa nel Centru Social La Llume

Agora l’enfotu sigue siendo’l mesmu: visibilizar el nuestru pensamientu, construyir un discursu nuevu qu’evolucione al mesmu ritmu que lo fai la sociedá asturiana y abrir pa toes un espaciu nel que medrar. Esto último ye lo que tamos a puntu d’algamar.

+ Info

Si queréis más información de La Llegra podéis mirala equí:
Facebook / Twitter / Wordpress

FAQ

There are none published yet.

Do you have any other queries or questions?

0 comments

If you are already a sponsor, please Log in to comment.

#09 / Esti vienres 3 folixa del crowdfunding y entrega recompenses!


Yá son 17 los díes que’l Llar La Llegra ye una realidá. Llevamos más de dos selmanes dando espaciu a abondes actividaes y tenemos per delantre una axenda bien curiosa y ilusionante. De tolos futuros eventos, ún de los que más nos va prestar facer ye’l del próximu vienres 3: la folixa del crowdfunding.

Too esto nun sedría posible ensin les 138 persones que nos sofitastéis y los 4215 algamaos cola campaña del Verkami. Por eso agora tócanos cellebralo con vosotres y davos les recompenses pol vuestru sofitu. El vienres 3 d’abril dende’l mediudía va haber nel Llar La Llegra (cai El Postigu Baxu, 40):

13.30. Conciertu de Filanda
14.30. Espicha
16.00. Xuegos tradicionales (dexabolu, cuerda, liriu, bolu Cuideiru, llave)
18.00. Actuación musical por confirmar
19.30. Proyección video Crowdfunding + inauguración mural coles pallabres + entrega recompenses

read more

#08 / Esti vienres 13 abrimos espaciu! Y el 3 d'abril folixa del crowdfunding!

Mañana a les 19.00 inauguramos el Llar La Llegra. Tais toes convidaes!!!
Y tái sollertes porque'l vienres 3 d'abril vamos cellebrar con tola xente que nos sofitastéis el resultáu del crowdfunding y davos les recompenses.
Milenta gracies por abrir espaciu con nós!!

Dempués de meses de trabayu y una exitosa campaña de crowdfunding (financiación colectiva al traviés d’Internet), el Llar La Llegra ye una realidá. Tres el desagospiu del CSOA La Madreña –llugar nel que s’asitiaba orixinalmente esti espaciu plural pa la reflexión y l’acción colectiva de la izquierda soberanista asturiana-, La Llegra treslládase a la cai Postigu Baxu 40 d’Uviéu. Esti vienres 13 va cellebrar la primer actividá d’un calendariu que vien completu pal mes de marzu.

A les siete la tarde va… read more

#07 / Nueva fecha d'inauguración: 13 de marzu

Cambiamos la fecha d'inauguración!

Asturies ye un fervideru y últimamente hai abondos eventos que coinciden al mesmu tiempu. Les compañeres del Llar El Mataderu de La Pola Siero tienen programaes delles actividaes perinteresantes coincidiendo col 8 marzu. D'esta miente decidimos aplazar la nuestra fecha d'inauguración del 6 al 13 de marzu pa nun pisanos con otros centros sociales del país.

El vienres 13 de Marzu a les 19:00 vamos inaugurar el Llar La Llegra d'Uviéu, tres les obres de remocique del nuevu llocal gracies al esitosu procesu de micromecenazgu popular "Abriendo Espaciu". Tamos yá pensando na fiesta d'inaguración ¿una espicha? ¿un conciertu? ¿un conciertu-espicha?... Entá nun tenemos zarrada la xornada polo qu'en vinientes díes diremos amestando información y actualizando l'eventu. ¡Tái sollertes nel eventu de facebook!


Amás, dicir que'l sábadu 14 va haber tamién la primer actividá pública. La organización de mocedá d'izquierda soberanista Darréu organiza unes read more

#06 / Abrimos el 6 de marzu!


Yá queda bien poco pa que La Llegra abra espaciu. Dempués d’abondo trabayu –desinteresáu, voluntariu, desendolcáu por xente mozo- yá podemos anunciar fecha d’apertura: vienres 6 de marzu.

Entá nun zarramos una programación pa esi día, pero de xuru que va ser un alcuentru bien prestosu nel que cellebrar y compartir la ilusión por afitar espacios tresformadores, horizontales y autoxestionaos. Nos vinientes díes vos informaremos de qué faedremos el día 6, fecha d’arranque d’un calendariu d’actividaes que vien mui interesante pal mes de marzu.

Queremos aclarar qu’esi día va ser l’apertura, pero non la folixa del crowdfunding na que van entregase les recompenses. Naguamos por anunciar esti día de cellebración lo enantes posible, pero entá queda dalguna xente por unvianos los sos datos. Esti ye l’últimu avisu porque nun podemos retrasar más la fabricación; namás tenéis que rellenar esti formulariu y unvianoslo.

read more

#05 / Algamámoslo! / Lo alcanzamos!

4225 €; 138 mecenes; abondes muestres de sofitu y solidaridá; aportaciones de muncha xente acullá de lo económico. Ilusión, sorpreses, responsabilidá.

Entamemos esta campaña de crowdfunding (de les poques que se ficieron n’Asturies y en llingua asturiana), con duldes de si díbemos llegar a los 3000 € d’oxetivu inicial. Los 1370 € del primer día dexáronnos ablucaos, les más de 1000 visites al vidiu en youtube enllenáronnos d’emoción. Neses primeres 24 hores vimos que’l trabayu colectivu desendolcáu nos díes previos, diba tener un resultáu inesperáu.

Pasaben los díes y nos diben llegando aportaciones de dientro y fuera d’Asturies; de xente del nuestru país que tuvo qu’emigrar perdayuri; felicitaciones y apoyos dende sectores estremaos… Tamién ofrecimientos de persones que, anque taben nuna situación… read more

#04 / Abriendo espaciu nun tien vacaciones!

Nestes feches de realcuentros, de cellebraciones, de volver a tener en casa a la nuestra xente que tuvo qu'emigrar... nel Llar La Llegra nun descansamos y siguimos na xera d'abrir espaciu.

Na víspora de la cena d'ayer tuvimos trabayando duro nesti espaciu que, gracies a vosotres y vosotros, yá ta entamando a ser una realidá n'Uviéu.

Los próximos díes van ser d'abondo trabayu: lletricidá, llimpieza, construir la barra, mercar materiales... Si vos animáis echar un gabitu, les puertes tán abiertes. Podéis enteravos de les xornaes de trabayu al traviés de les nuestres redes sociales, o preguntándonos al corréu espaciulallegra@gmail.com.

Quédennos 4 díes y el crowdfunding yá va por 3.975€. Inda tamos a tiempu de llegar a los 4.000€... y más! Col vuestru sofitu, cada vegada tamos siendo quién a facer más coses y equipar meyor l'espaciu.

Amás, dientro poco entamaremos a contactar con vosotres y vosotros, porque'l procesu de preparar les recompenses yá ta en camín...

read more

#03 / Entamamos les obres!!


Güei aportó'l día! Gracies al vuestru sofitu yá entamaron les obres p'axeitar el Llar La Llegra. Per delantre nos queden díes d'esbarrumbar paredes, pintar, construir, mercar materiales... Al traviés del nuestru facebook y twitter podéis dir enterándovos de los avances y de les sestaferies de trabayu, por si queréis venir a echanos un gabitu.

Per otru llau, la campaña de crowdfunding va palantre. Yá tamos camín de los 4000 € y nun aparamos de recibir muestres de solidaridá de xente y colectivos sociales. Una d'elles, la del casal Jaume Compte del barriu de Sants (Barcelona), que nos unviaron esti videu tan prestoso.

P'acabar, dicivos que tamos a piques de meter nueves recompenses nel crowdfunding. Vamos añadir cinco packs más de Asturies tien son y añadimos el pack PA LA GÜERTA :
Pack ABRIENDO ESPACIU!
+ 1 estuche de Sidra L'Allume con vasu
+ 1 quesu Afuega'l Pitu de Ca Sanchu
+ 1 caxa decorada a mano de La Llegra
read more

#02 / 12 díes. 2850€. 93 persones. Y otru pasu alantre.

Dende l'Espaciu La Llegra nun podemos tar más agradecíes a tola xente que nos tais sofitando pa crear esti llar autoxestionáu n’Uviéu. Agora, tócanos pidir un emburrionín más y comentavos delles novedaes.

Queremos algamar los 3000€ y dir a más. Cuanto más sofitu económicu tengamos, más y meyores coses podremos facer p’axeitar el llocal y facer frente a tolos gastos: renta, materiales, proveedores… Por eso queremos sorrayar que, anque nun nos quede muncho pa pasar del oxetivu de los 3000 euros, toles demás aportaciones que faigáis van agradecese fondamente. Yá que tamos, vamos a polos 4000€. Y pa ello presentámosvos nuevos costes:

  • Sielles y meses: 300€
  • Estanteríes: 200€
  • Calentador d'agua: 110 €
  • Nevera: 100€
  • Estufa: 90€
  • Proyeutor: 200€

Amás, tamos viendo que gracies al vuestru… read more

#01 / 1370 gracies!!

Valoración primeres 24h del crowdfunding #AbriendoEspaciu: 1.370€ algamaos, mui cerca de la metá de la cifra oxetivu de 3.000€. Amás, cásique 1.000 visualizaciones distintes del videu de campaña.

Tamos agradecidísimes, emocionaes y esperanzaes cola vuesa rempuesta. Animáisnos a siguir.

GRACIES!! GRAZAS!! GRACIAS!! GRÀCIES!! ESKERRIK ASKO!!

10€
16 backers

Pack SOFÍTANOS

Postal "Abriendo Espaciu"
+ La pallabra que quieras nuna muria del llocal
+ Descarga dixital del discu recopilatoriu "Abriendo Espaciu"
+ Consumición na folixa d'inauguración cuando vengas pola recompensa o unvíu a la dirección que quieras

15€
8 backers

Pack EMBURRIA CON NÓS

Postal "Abriendo Espaciu"
+ La pallabra que quieras nuna muria del llocal
+ Consumición na folixa d'inauguración cuando vengas pola recompensa o unvíu a la dirección que quieras
+ Chapa
+ Pegadiella
+ CD recopilatoriu "Abriendo Espaciu"

20€
26 backers

Pack PUXA CON NÓS

Postal "Abriendo Espaciu"
+ La pallabra que quieras nuna muria del llocal
+ Consumición na folixa d'inauguración cuando vengas pola recompensa o unvíu a la dirección que quieras
+ Chapa

+ Pegadiella
+ Camiseta conmemorativa "Abriendo Espaciu"

25€
18 backers

Pack ABRIENDO ESPACIU!

Postal "Abriendo Espaciu"
+ La pallabra que quieras nuna muria del llocal
+ Consumición na folixa d'inauguración cuando vengas pola recompensa o unvíu a la dirección que quieras
+ Chapa

+ Pegadiella
+ CD recopilatoriu "Abriendo Espaciu"
+ Camiseta conmemorativa "Abriendo Espaciu"

35€
23 backers

Pack BANDERES AL AIRE!

Pack ABRIENDO ESPACIU!
+ Asturina

35€
4 left (of 5)

Pack FARTES DE GLAYAR

Pack ABRIENDO ESPACIU!
+ Entrada pal XXVII Conciertu Pola Oficialidá de la Xunta Pola Defensa de la Llingua Asturiana

35€
11 left (of 20)

Pack TANDO ENFILÉU

Pack ABRIENDO ESPACIU!
+ 3 botelles de cerveza Caleya Edición Especial "Abriendo Espaciu"

50€
4 left (of 15)

Pack ASTURIES TIEN SON

Pack ABRIENDO ESPACIU!
+ 1 CD de música asturiana de la discográfica Algamar Producciones
+ 1 Anuariu de la Música Asturiana 2014
+ 1 llibru d'El Principín
+ 2 entraes pa ún de los conciertos entamaos por Ixuxú Asturies-Euskal Herria Elkartea

100€
4 left (of 5)

Pack ASTURIES SÁLVASE MAYANDO!!

2 Packs ABRIENDO ESPACIU!
+ Asturina
+ Visita al llagar de sidra de la cooperativa L'Allume + caxa de sidra

250€
3 left (of 4)

Pack SUBÍ PELA PEGOLLERA

4 Packs ABRIENDO ESPACIU!
+ Asturina
+ 4 botelles de Cerveza Caleya Edición Especial "Abriendo Espaciu"
+ Estancia d'una nueche na Casa Rural L'Ablanu en Piloña pa 4 persones

300€
10 left (of 10)

Pack TEXENDO REDES

Entamamos una folixa asturiana nel to centru social, llocal del to colectivu con charres, talleres, proyecciones... alrodiu la realidá asturiana d'anguaño.

35€
5 patrons (sold out)

Pack ENLLENAR EL BANDUYÍN

Pack ABRIENDO ESPACIU!
+ 2 menús del día nel chigre Boca a Boca d'Uviéu

35€
5 patrons (sold out)

Pack Liriu lariu a casa'l boticariu

1 Pack "Abriendo Espaciu"
+ Atles de los Bolos Asturianos
+ Xuegu de Liriu artesanu de madera (liriu + machorra)
+ Panfletín esplicativu del xuegu del Liriu.

35€
10 patrons (sold out)

Pack NEL CAMPU ÑACEN FLORES

Pack ABRIENDO ESPACIU!
+ Cesta productos de comerciu xustu na tienda L'Arcu la Vieya

50€
3 patrons (sold out)

Pack PA LA GÜERTA

Pack ABRIENDO ESPACIU!
+ 1 caxa decorada a mano de La Llegra
+ 1 estuche de Sidra L'Allume con vasu
+ 1 quesu Afuega'l Pitu de Ca Sanchu
+ 1 llibru de La Güerta Ecolóxica Asturiana, editáu por Glayíu.org

60€
1 patron (sold out)

Pack Yerbatu

"Pack Abriendo Espaciu"
+ una riestra chorizos de gochu
+ una riestra chorizos de xabaril
+ 1 estuche de Sidra L'Allume con vasu
+ 1 quesu Afuega'l Pitu de Ca Sanchu
+ 1 caxa decorada a mano de La Llegra.

Cookies help us to offer our services. Continuing to browse entails acceptance of their use.