Baia

Escribo contos onde prima a atención ao emocional e o amor pola lingua e a natureza. Tamén me gusta perderme e atoparme nos versos, a poesía é un recurso para expresarme dende o máis intimo. Combino esta paixón con outras, como acompañar a persoas no proceso de autocoñecemento como adestradora emocional e facilitadora do Sistema Ludocorporal. Deseño a caracterización de persoaxes de teatro e son creadora de contido. Como podes ver a creatividade está moi presente na miña vida e o meu obxectivo é poñela ao servizo dos demais, especialmente das crianzas con dificultades como a dislexia coas que me sinto moi identificada. Compartir o que me fai medrar dálle sentido ao meu paso por aquí.