Asier ETA Biok

ZER DA ASIER ETA BIOK ETA ZEIN PUNTUTAN GAUDE

Asier ETA biok Aitor Merino eta bere arreba Amaia Merinoren artean zuzendutako dokumentala da. Proiektua duela bi urte hasi zen, baliabideen eskasia gogo eta ilusioarekin ordezkatuz. Ondoren, Ekuadorreko “Consejo Nacional de Cine” -k emandako diru laguntzari esker aurrera jarraitu genuen. Orain azken muntaia amaitzen ari gara. Verkamiren laguntzarekin posprodukzioa amaitu eta banaketarekin hasi nahi dugu. Azken txanpa besterik ez zaigu geratzen!

ZERTAZ HITZ EGITEN DU ASIER ETA BIOKEK

Asier eta biok Iruñean ikaskide izan ginen 80ko hamarkadan. Ondoren, bide ezberdinetatik jo genuen. Nik, aktore izateko goseak bultzatuta, Madrilera jo nuen; hiriak harrera ona egin zidan eta bazter guztietan egin nituen lagunak, aktoreak gehienak. Bien bitartean, Asier Iruñean bertan bizi zen eta konpromiso politiko handiko ekimen desberdinetan murgildu zen. Urrun bizi arren, Asierrek eta biok adiskidetasuna mantendu genuen. Urteak pasa ziren eta nire ametsa egi bihurtu zen: aktore egin nintzen. 2002ko martxoan, Asier ezkutatu egin zen; polizia zeukan atzetik ETAkide zelakoan. Asierrek zortzi urte eman zituen espetxean. Urte guztiotan askotan hitz egiten nien nire Madrilgo lagunei Asierren inguruan eta gure adiskidetasunaz. Baina askotan, nik ere erantzuteko zailtasunak nituen galderak botatzen zizkidaten. Nola azaldu nire lagunei ETAko kide batekin nuen adiskidetasuna? Nola ulertarazi zerk bultzatu zuen erabaki hori hartzera, niri ere ulertzea kostatzen zitzaidanean? Askatu zuten egunean, 2010eko uztailean, kamera hartu eta galdera horri erantzuteko gai izango zen pelikula egitea deliberatu nuen. Hori zen nire asmoa eta, aldi berean, zergatik ez, Madrilgo lagunen eta Asierren arteko ulertze-bideak sortzea. Nolanahi ere, nire egitasmoa ez zen uste bezain erraza gertatu…”.

Aitor Merino.

ZERTAN ERABILIKO DA LORTUTAKO DIRUA

Off ahotsen grabaketa

Irudiaren posprodukzioa

Etalonajea

Diru laguntzen eskaerarako formatu aldaketak (NTSC-PAL)

Diseinua eta kartelak

Aurrekontuko datu gehiago nahi izanez gero, helbide honetara idatz dezakezue

[email protected]

ZERGATIK ASIER ETA BIOK

Iaz ETAk bere jarduera armatua behin betiko amaitu duela iragarri zuen baina euskal gizartean oraindik hainbat zaurik zabalik jarraitzen dute. Ulertu ezinak, gorrotoak eta arazo politiko sakonek behin betikoa izango den bake prozesua zailago egiten dute. Asier ETA biok ikuspuntu gizatiar batetik gerturatzen da. Zer sentitzen da zure semea/mutil laguna/laguna ETAko kide izan dela edo oraindik badela jakitean? Zer pentsatzen du pertsona horrek eta zerk eraman zuen erabaki hori hartzera?

Zinea bestelako ikuspuntuak dauzkatenengana gerturatu eta ulertzeko tresna erbilgarria izan daitekeela uste dugu. Adiskidetasunaren ikuspuntutik lantzean (horregatik zentzu kritikoa eta umorea galdu gabe) Asier ETA biok-ek ikuspegi pertsonal eta subjektiboa eskaini dezake, bere zergatiak eta izan ditzakeen irtenbideak planteatuz. Ziur gaude Aitor eta Asierren adiskidetasunaren kontakizuna gatazka gainditzeko urrats txiki bat izan daitekeela.

Proiektuaren zuzendariek - Ekuadorren eta Madrilen bizi diren bi anai-arreba euskaldun. erabateko askatasun eta zehaztasunez zuzendu nahi dute proiektua, galderak erantzuteko baino, planteatzeko intentzioarekin.

NOR GARA?

Zuzendariak

Aitor Merino aktoreak Montxo Armendariz, Pilar Miro, Vicente Aranda edo Iciar Bollarin bezalako zuzendariekin egin du lan. Zuzendari eta gidoilari bezala hainbat sari lortu ditu. Bere “El Pan Nuestro” laburmetraia Goya sarietarako hautatua izan zen. “Asier eta biok” bere lehen luzemetrai dokumentala da.

Amaia Merino Ekuadorren bizi da. Bertan gidoilari eta editore lanetan aritzen da, bai dokumentalean baita fikzioan ere. INCINEn edizio eta gidoilaritza ikastaroetako irakaslea da. Orain Asier eta biok-en edizioa amaitzen ari da.

Produktoreak:

Doxa Producciones http://www.doxaproducciones.com

Doxa producciones Espainia mailan egindako crowdfundingean aurrekaria izan zen bere “Los amores difíciles” dokumentalarekin eta Partizipa plataformarekin.
(http://es.wikipedia.org/wiki/Lucina_Gil).

Cineática Films (Ecuador) www.cineaticafilms.com

PARTEHARTZAILEAK

Euren irudi edo testigantzekin parte hartzen duten guztiek bolondres moduan egin dute. Parte hartzaileen artean, Asier eta gertukoez gain, Aitor Merinoren lagun diren Pilar Castro, Secún de la Rosa, Natalie Pinot, Carol Salvador, Armando del Río, Velilla Valbuena edo Juan Diego Botto daude besteak beste.

Bestalde, Ekuadorreko gobernuak 12.000$etako diru laguntza eman zigun grabaketarako. Gainera, Latin Side of the Doc jaialdian hautatu gaituzte. Aitor azaroaren 3an iritsiko da Mexikora proiektuan interesa duten produktoreak lortu eta telebistetarako aurre salmentak egiteko asmoarekin.

*PROIEKTUA NOLA JARRAITU

Gure urrats guztiak jarraitzeko:

1- Gure blogaren bitartez www.asieretabiok.com

2- Gure facebookeko orrialdean facebook

3 Twitter: Asier ETA biok eta Aitor Merino

1. Gure Vimeoko kanala: www.vimeo.com/doxa