A MIÑA IDEA E O MEU TRABALLO
A idea da curta 'Galicia Portobello road' emerxe nun momento na miña vida no que empecei a ver a miña nai como muller, máis alá de vela como nai. Ademas disto, sempre me fascinou a pegada que deixou a comunidade española, e en concreto os galegos, que emigraron a esta cidade décadas atrás. En Portobello road atópase un mural conmemorando a axuda que prestaron as tropas de Kensington na Guerra Civil española, e tamén, o único colexio español do Reino Unido no que ademais se imparten clases de galego.
Mural en Portobello road
Colexio español Cañada Blanch en Portobello road, anteriormente un convento de dominicas
Os temas da emigración, a comunicación, as mulleres...repítense no meu traballo pero sobre todo encántame explorar como nos relacionamos os seres humanos.
Para ver de que vai o que fago, podes ver Illa Pedra, a miña anterior curta.
Tamén podes seguirme en Twitter
SINOPSE
A nai de Celtia, María, ten a oportunidade de vender o restaurante que rexentou durante 40 anos na zona de Portobello road en Londres, a unha coñecida cadea de supermercados para poder retornar a Galicia e retirarse alí coa súa actual parella. Celtia, frustrada no seu traballo, ve entón truncado, o seu soño secreto de dirixir o restaurante onde ela se criou. Nun intento de convencer á súa nai para que quede, vai falar con ela, cando María está empaquetando pratos, vasos... e recordos. Nestas circunstancias, as dúas aprenderán a entenderse como mulleres máis alá do seu vínculo materno-filial.
DETALLES PRÁCTICOS
A curta gravarase en Londres, na zona de Portobello road, en galego e inglés. A acción sucede principalmente no restaurante, durante unha conversa entre María (a nai) e Celtia (a filla). Ademas das dúas personaxes centrais, tamén está o mozo de Celtia, James, que a empurra a perseguir o seu soño e enfrentarse coa súa nai.
Visita o noso facebook para enterarte de máis detalles, ver fotos e estar ao tanto doutras publicacións e artigos relevantes.
EQUIPO
Adriana Páramo é a directora e guionista, e ademas dela, hai persoas estupendas involucradas na curta porque cren no proxecto.
Lucía Regueiro no papel de Celtia, a filla.
Mariana Carballal no papel de María, a nai.
Algunha das recompensas inclúe foto asinada por elas.
María Ugarte Galiana: Productora
Xan Campos Trío: Música. O seu tema está incluido no vídeo da campaña e ademas podedes conseguir un CD con 3 temas que se incluirán na curta.
Xela Cuñarro: Fotógrafa. Algunhas das recompensas inclúen unha foto de Galicia ou Londres tomada por Xela Cuñarro con temática relacionada coa curta, cun verso Lara Dopazo.
Foto de Xela Cuñarro, exposta en Foyles, Londres, como parte de Love Charing Cross Road Photography Exhibition (2013)
A QUE DESTINAREMOS AS VOSAS APORTACIÓNS
As vosas aportacións servirán para facer esta curta realidade!
Se queres ver como acaba a historia entre Celtia e María, axúdanos! A directora, e o resto do equipo xa están en Londres, pero o máis importante é ¡traer ás actrices! Necesitamos o diñeiro para os billetes de avión, o hotel, o metro...
Ademais destas cousiñas de producción, o importante é A RODAXE.
Serán dous días de rodaxe intensos nos que, ademais de alugar a cámara, as luces, o micro... un equipo dunhas 15 persoas ten que comer!
Despois da rodaxe non se acaban os gastos...tamén hai que alugar unha furgo para devolver o equipo, montar a curta, mandala a festivais...
Como vedes, non só se precisa unha cámara, senón que hai moitas cousas detrás para que unha producción saia adiante, por iso precisamos das vosas aportacións!
CALENDARIO
Preproducción: xullo, agosto
Nestos meses daremos os últimos retoques ao guión, alugaremos as localizacóns, pediremos os permisos necesarios para poder gravar, e tamén ensaiaremos coas actrices!
Rodaxe: última semana de agosto
Durante estes días temos que gravar ¡toda a curta! Dez páxinas e cinco esceas.
Postproducción: setembro, outubro
A curta vai á 'mesa de edición'. Elíxense os planos, axústanse o son e a cor, pero o máis importante, é aquí onde realmente se conta a historia! Directora e montador pasarán días decidindo que planos contan mellor a historia que todos queremos ver.
Recompensa: decembro e xaneiro. Haberá dúas entregas, unha para os mecenas que vivan en Londres, e outra para os mecenas que vivan en Galicia.
Gracias por apoiar este proxecto. Fagamos esta curta xuntos!
4 comentarios
Si xa eres mecenas, iniciar sesión para comentar.
Adriana Paramo Perez
Autor/a
Hola, te acabo de mandar un email! :)
Katja Rothamel
Hola a todos, no sé si no me di cuenta: cuando puedo ver la peli bajándola? y cuando puedo escuchar la música de jazz como patrona de 20€? :) no utililzo tanto el FB pa enterarme de muchas cosas. Vi el éxito de la peli. felicidades!
saludos Katja
Miguel Ángel
Enhorabuena por alcanzar y superar el objetivo. Nos alegramos de que nuestro 'Sello de Calidad ace' haya contirbuido a ello. Miguel Ángel Escudero. Director Técnico Agencia del Cortometraje Español(ACE)
EscuderoMA
Hola Adriana. Somos la Agencia del Cortometraje Español(ACE). Si quieres que te otorguemos nuestro 'Sello de Calidad' para ayudarte a conseguir la financiación de 'Galicia Portobello Road' escríbenos a [email protected] y te informaremos.