TRIM (Peixoto / Fariñas / Barroso) - Lanzamento CD+DVD

Ola a todos!

Dende este preciso instante no que decidimos contar con vós, comezamos esta andaina que nos levará a pasar polo estudio a gravar as músicas que temos creadas e arranxadas recentemente, gran parte delas da nosa propia autoría. A produción deste traballo, que será case na súa totalidade en directo, virá acompañada dun DVD da gravación, no que aparecerán todos os temas do disco, ademáis de algún material extra. Nas próximas semanas estaremos cheos de traballo, e de ilusión por presentarvos este novo proxecto.

Gracias polo voso apoio. Durante estes 40 días estaremos en contacto coas novidades.

Luis, Pedro e Fernando.

TRIM, o novo trío formado por Luís Peixoto, Fernando Barroso e Pedro Fariñas mestura a gaita galega coas cordas, aportando a súa visión da música instrumental actual, con composicións propias e reminiscencias das músicas populares de Galicia e Portugal. A súa traxectoria individual, a súa bagaxe, e a súa versatilidade adquirida tras participar en numerosos proxectos, fan deste, un trío cunha sonoridade peculiar e con certo aire innovador no eido do panorama folk actual.
Ver Video

CD+DVD

Este traballo discográfico será presentado tamén en formato DVD.

Os tres músicos pasarán a gravar polo estudio 'A Ponte' de Tomás Ageitos, onde farán sesións en directo dos temas que formarán parte deste novo traballo.

Será editado un video mostrando a gravación dos temas do disco, ademáis de entrevistas e algún extra do proceso de produción.

David Ramos de Animaxes AV e Marta Guijarro de The Poca Monta Company, formarán parte do equipo, en canto a realización de video e deseño gráfico.

OS MÚSICOS

Luis Peixoto (Coimbra), é un experimentado músico portugués, que domina diferentes instrumentos de corda, como o bandolim ou o cavaquinho. Na súa traxectoria musical aparecen bandas como Dazkarieh, Sebastião Antunes & Quadrilha, Assembly Point, Anxo Lorenzo Band ou Júlio Pereira, sen nomear multitude de colaboracións tanto en directo como en gravacións a nivel internacional, onde podemos destacar a Korrontzi, Kepa Junkera, Fetén Fetén ou Flook.

Fernando Barroso (Ferrol), músico galego que fai parte das bandas de Xosé Manuel Budiño, Os Cempés e Riobó. Na súa traxectoria ten colaborado con numerosas formacións e artistas. Entre eles Anxo Lorenzo Band, Ardentía, Malvela, Uxía Senlle, Sebastião Antunes, Josep María Ribelles, RIU, Coanhadeira e colaboracións especiass con Korrontzi, DRD, Kepa Junkera ou Danú. No seu traballo como compositor e productor musical, cabe descatar os traballos xunto a Assembly Point (Assembly Point 2011), o grupo catalán RIU, (Amb Canya 2012), o portugués Luís Peixoto (Pop 2012) e o disco debut do acordeonista Andrés Penabad (2014).

Pedro Fariñas (Vigo), gaiteiro novo pero con moitos galardóns e experiencia nas costas, así como saxofonista de prestixiosas bandas de música Reggae da península, como son Transilvanians, e Zamaramandi, que ven de editar o seu novo LP "Howling Around". No eido da música tradicional foi membro fundador de Anacos de Buxo, membro do cuarteto Canle Dadá e membro e solista da Banda de Gaitas Xarabal (Vigo). Realizóu gravacións para o cd dos premios David Russel (2006), para o Musgafol(2009), e para o libro-cd Gaita 2.1 (2010), sen esquecer o álbum Semprevirente (2004) do cuarteto Anacos de Buxo. Entre os seus innumerables premios en certames para cuartetos e solistas cabe destacar o 1o premio no Trophée Maccrimmon para Gaita no Festival Interceltique de Lorient, 2011 (France).

AXENDA PREVISTA

O CD e DVD serán gravados na segunda semana de Abril. O proceso de mesturas, masterización e montaxe do video está previsto que se remate cara inicios do mes de maio. Deste xeito, contamos que tralo periodo estimado de 20 días para a fabricación das copias, o material será enviado aos mecenas durante a primeira quincena de xuño.

LIGAZÓNS DE INTERESE
TRIM
PRODUCIÓNS DO CUARTO BALEIRO