ZER?
Gernikako bonbardaketaren memoria bilduko duen mapa interaktiboa egin nahi dugu. Propio sortutako web orrian, hainbat testigantza, dokumentu, argazki, bideo... bilduko dituena.
ZERGATIK?
Urteetan zehar hainbat eta hainbat izan dira Gernika-Lumon gertatutakoa argitzeko lan egin duten erakunde eta pertsonak. Mapa bada lan horren guztiaren aitortza. Gure lana, kasu honetan, belaunaldi gazte moduan, informazio hori lengoaia eta bitarteko berrietara ekartzea/egokitzea da.
Etorkizunari begira egindako mapa da. Gernikako espazio publikoari balioa eman nahi diogu mapa hau tresna bezala erabiliz. Memoriaren transmisioa gauzatzeaz aparte, etorkizuneko Gernikaren espazio publikoan memoria horrek presentzia berezia izatea nahi dugu.
“Mapa Gernikako espazio publikoari balioa eman eta etorkizunerako proposamenak egiteko tresna da.”
Horretarako mapa etorkizunerako proposamenak jasotzeko euskarria ere izango da. Jendeak memoria eta espazio publikoarekin lotutako proposamenak idatzi ahal izango ditu.
NORTZUK?
Lobak proiektuko eta Arkibai elkarteko gazteak gara. Elkarrekin ekin genion Gernikako memoria eta espazio publikoaren inguruan hausnartzeari. Horretarako prozesu labur bat ipini genuen martxan 2017ko udaberrian. Hainbat pertsona eta elkarte bildu eta Gernikako espazio publikoren inguruan ariketa ezberdinak egin ostean, mapa ezberdinak erabiltzen hasi ginen.
Orduan konturatu ginen mapa tresna erabilgarria izan zitekeela bertan informazioa atondu eta proposamenak jasotzeko. Ideia horretatik jaio zen “Gernika 2037: etorkizunerako memoriaren mapa”.
https://www.gernikakolobak.info/
https://www.facebook.com/lobak.ekimena/
https://www.facebook.com/arkibai.arkitekturaikasletaldea/
INFORMAZIO ITURRIAK
Bereziki Gernikazarra Historia Taldearen eta Gernikako Bonbardaketaren Dokumentazio Zentroko artxiboak erabiliko ditugu. Bestelako iturriak ere erabiliko ditugu; Badihardugu elkarteak sortutako Ahotsak proiektua esaterako, edo inguruko sortzaileek eta ikerlariek egindako lanak.
NOLAKOA IZANGO DA MAPA
Memoriaren mapak informazio geruza ezberdinak izango ditu, horrela, elementu ezberdinak aktibatuz hainbat puntu azalduko dira kronologikoki antolatuta dauden mapetan. Mapa aldatu egingo da aukeratzen dugun urtearen arabera.
SARIAK
Sariak ekainaren hasieran ekoitzi eta banatuko ditugu. Kanpaina bukatu eta berehala.
3 iruzkin
Proiektuaren mezenas bazara, Saioa hasi iruzkina egiteko
Irati Agorria
Lan itzela eitzen zabize! Animo asko ekipo osoari!
Jose Angel Etxaniz Ortuñez
Lo mejor llevado a cabo con respecto a la memoria y la historia en Gernika-Lumo
Itxaso bilbao
Una gota de ayuda para una buena idea👍